Acceso fácil e seguro a todo ao teu contido

Grazas á encriptación que che ofrece Drive, poderás acceder de forma segura aos teus ficheiros. Como medida preventiva, os ficheiros compartidos contigo analízanse en busca de software malicioso, spam, ransomware ou contido que se poida considerar phishing. No caso de que se detecte algún deses elementos, quitaranse. Drive é unha aplicación nativa deseñada para usarse na nube, o que significa que os teus dispositivos correrán menos riscos porque non hai necesidade de usar ficheiros almacenados localmente.

Drive intégrase con Documentos, Follas de cálculo e Presentacións, todas elas aplicacións nativas deseñadas para usarse na nube que lle permitirán ao teu equipo crear contido e colaborar da forma máis eficaz en tempo real.

Drive complementa a tecnoloxía que adoitedes utilizar ti e mais o teu equipo, e intégrase perfectamente con ela. Tedes que colaborar en ficheiros de Microsoft Office? Non hai problema! Non será necesario facer ningunha conversión de formato. Ademais, poderedes editar e almacenar outros tipos de ficheiro (máis de 100 tipos diferentes!), entre os que se inclúen ficheiros PDF, CAD ou de imaxe.

Drive conta coas potentes funcións de busca de Google, o que se traduce en velocidade, rendemento e fiabilidade incomparables que facilitan a colaboración entre os usuarios. Ademais, Drive inclúe funcións como as pílulas de busca, que axudarán ao teu equipo a sacar á luz resultados máis relevantes para encontrar antes os ficheiros.