Ir ao contido
Google Play Xogos
Inicio do contido principal.
Google Play Xogos

Xoga sen complicacións en dispositivos móbiles e PC

Atopa o teu xogo

Explora un catálogo de primeiro nivel con máis de 200.000 xogos en móbiles e PC, e atopa o xogo máis axeitado para ti

Colecciona recompensas

Gaña puntos de Google Play1 que podes usar para facer compras relacionadas con xogos e goza de vantaxes exclusivas como membro de Points

Recibe información actualizada sobre xogos

Na pestana Ti, podes consultar comodamente información actualizada sobre os teus títulos favoritos e os logros que conseguiches xogando2

Despois de continuar, recibirás unha invitación por correo electrónico para acceder a Google Play Xogos para PC
Desprázate cara abaixo para obter máis información

Xoga sen complicacións nos teus dispositivos

Sincroniza a túa mediateca de xogos e o teu progreso3 para poder continuar desde onde o deixases; non importa se xogas usando o teléfono esteas onde esteas ou se prefires desfrutar a tope cunha pantalla máis grande e mellores controis no PC.

Atopa o xogo adecuado para ti

Con máis de 200 000 xogos para móbiles e PC, Google Play Xogos ten o título adecuado para todo o mundo. Recibe recomendacións e información detallada sobre cada xogo, para que saibas cal será o teu próximo favorito. Descubre os xogos que están dispoñibles para móbiles e PC.

Ofertas de Play Points
Play Points
Premios e recompensas
Moedas
Insignias

Xoga e obtén recompensas

Desbloquea recompensas estupendas con Google Play Points, o programa de recompensas de Google Play co que podes obter puntos e recompensas que podes usar para conseguir descontos e artigos integrados en xogos. Cantos máis puntos de Play gañes, máis recompensas, vantaxes e experiencias exclusivas obterás. Unirse agora1.

Xeiras
Descontos
Xogos
Logros

Información sobre videoxogos organizada

O teu perfil de xogo é o elemento central da pestana Ti. Podes pasar facilmente da pestana Ti ao perfil de xogo en calquera momento facendo clic na icona do perfil no móbil. Cun único perfil no móbil e no PC, podes facer facilmente un seguimento das túas estatísticas, xeiras, progreso e logros nos teus xogos. Aquí podes celebrar todos os teus logros e vitorias.

Non perdas ningún detalle sen saír do xogo

O axudante de Play Xogos con Gemini Live é un novo complemento para xogar que che ofrece un acceso sinxelo ás túas estatísticas, logros e consellos sen saír do xogo. Tamén podes recibir indicacións a modo de conversa en tempo real con Gemini Live mentres xogas. O axudante só está dispoñible mentres usas xogos descargados de Google Play. Proximamente tamén se poderá usar en móbiles.

Xoga de forma segura con Google

Xoga con confianza no móbil e no PC, coa seguranza e a protección de Google. Google Play leva a cabo máis de 10.000 comprobacións de seguranza en todos os xogos que ofrecemos para axudarche a protexer os teus datos e dispositivos.

Preguntas frecuentes

Google Play Xogos mellora a experiencia cos xogos nos móbiles, nas tabletas e nos PC, xa que fai que xogar en varios dispositivos sexa máis sinxelo. A experiencia inclúe un único perfil de xogo para móbiles e PC, un amplo catálogo de títulos dos que podes gozar en varios dispositivos, recompensas que podes obter coas partidas, información de xogo organizada e o axudante de Play Xogos con Gemini Live, un complemento para xogar que che ofrece un acceso sinxelo a información sen saír dos xogos. A pestana Ti e o axudante lanzaranse primeiro en móbiles.
Para comezar no móbil:
  1. Abre a aplicación Google Play Store en Android
  2. Toca a túa imaxe do perfil
  3. Toca Unirse a Google Play Xogos
  4. Sigue os pasos para crear un perfil de xogo.

Tamén podes unirte a Google Play Xogos a través do teu PC:
  1. Descarga Google Play Xogos no teu ordenador portátil ou de escritorio con Windows
  2. Abre o ficheiro .exe e sigue as instrucións que se indiquen na pantalla
  3. Ao configurar a túa conta a través de Google Play Xogos para PC, o teu perfil de Google Play Xogos configúrase automaticamente. Listo.

Se queres consultar máis información, bótalle unha ollada ao noso artigo do Centro de axuda. Google Play Xogos para PC está dispoñible en máis de 140 rexións. Calquera persoa destas rexións que teña un dispositivo que cumpra os requisitos pode xogar no PC.
Si. Aínda que non teñas un dispositivo móbil Android, podes utilizar Google Play Xogos no teu PC con Windows. Tamén se pode xogar en Google Play Xogos para PC a moitos xogos que están dispoñibles en dispositivos móbiles iOS.
Só podes configurar un perfil de xogo por Conta de Google. Se tes varias, podes crear varios perfís de xogo.
Non, non tes que pagar para utilizar Google Play Xogos para PC nin para móbiles. Con todo, ao xogar, é posible que teñas que pagar por un xogo ou polos artigos integrados no xogo.
Contamos cunha ampla selección de xogos en distintos dispositivos. Explora cales están dispoñibles en móbiles e PC.
Para instalar xogos no teu dispositivo móbil Android, abre Google Play Store, busca un xogo e toca Instalar. Para instalar xogos no PC, despois de configurar Google Play Xogos no teu PC, busca un xogo e fai clic en Instalar.
Se non te unes a Google Play Xogos, non terás acceso a determinadas funcións, como a pestana Ti ou o axudante de Play Xogos no teu dispositivo móbil Android.
Obtén información acerca de como eliminar o teu perfil de Play Xogos.
O teu PC debe cumprir estes requisitos mínimos:
  • Windows 10 (versión 2004)
  • SSD con 10 GB de espazo de almacenamento dispoñible
  • GPU IntelⓇ UHD Graphics 630 ou similar
  • 4 núcleos físicos na CPU
  • 8 GB de RAM
  • Conta de Windows con privilexios de administrador
  • A virtualización de hardware debe estar activada

Google Play Xogos

Únete á acción

Despois de continuar, recibirás unha invitación por correo electrónico para acceder a Google Play Xogos para PC