Þjónustuskilmálar Google

Tekur gildi 22. maí 2024 | Eldri útgáfur | Sækja PDF

Landsútgáfa: Þýskaland

Það sem þessir skilmálar ná yfir

Við gerum okkur grein fyrir að það er freistandi að sleppa því að lesa þessa þjónustuskilmála en aftur á móti er mikilvægt að þú vitir hvers þú getur vænst af okkur þegar þú notar þjónustu Google og hvers við getum vænst af þér.

Þessir þjónustuskilmálar skýra hvernig rekstur Google gengur fyrir sig, lögin sem gilda um fyrirtækið og tiltekna hluti sem við höfum alltaf haft í heiðri. Þjónustuskilmálarnir skýra því sambandið milli Google og þín þegar þú notar þjónustu okkar. Til dæmis er eftirfarandi fyrirsagnir að finna í þessum skilmálum:

• Hvers þú mátt vænta af okkur, sem lýsir því hvernig við bjóðum upp á og þróum þjónustu okkar
• Hvers við getum vænst af þér, þar sem tilteknar reglur eru settar fram um notkun á þjónustu okkar
• Efni í Google þjónustu, sem lýsir hugverkarétti efnis sem finna má í þjónustu okkar, hvort sem það efni tilheyrir þér, Google eða öðrum
• Komi upp vandamál eða ágreiningur, sem lýsir því hvaða annan lagalegan rétt þú hefur og hvað er gert ef brotið er gegn þessum skilmálum

Það er mikilvægt að skilja þessa skilmála vegna þess að til þess að nota þjónustu okkar þarft þú að samþykkja skilmálana. Við hvetjum þig til að sækja þessa skilmála til að geta vísað í þá síðar. Við gerum þessa skilmála, og allar fyrri útgáfur, ávallt aðgengilega hér.

Auk þessara skilmála birtum við einnig persónuverndarstefnu. Þrátt fyrir að hún sé ekki hluti af þessum skilmálum hvetjum við þig til að lesa hana til að öðlast betri skilning á því hvernig þú getur uppfært, stjórnað, flutt út og eytt upplýsingunum þínum.

Skilmálar

Þjónustuveitandi

Á Evrópska efnahagssvæðinu (EES) og í Sviss er þjónusta Google veitt af:

Google Ireland Limited
stofnað og starfrækt samkvæmt írskum lögum
(Skráningarnúmer: 368047 / VSK-númer: IE6388047V)

Gordon House, Barrow Street
Dublin 4
Írland

Aldursskilyrði

Ef þú ert undir þeim aldri sem krafist er til að hafa umsjón með eigin Google reikningi þarftu að fá leyfi frá foreldri eða forráðamanni þínum til að nota Google reikning. Fáðu foreldri eða forráðamann þinn til að lesa þessa skilmála með þér.

Ef þú ert foreldri eða forráðamaður sem hefur samþykkt þessa skilmála og leyfir barninu þínu að nota þjónustuna berð þú ábyrgð á aðgerðum barnsins í þjónustunni að því marki sem gildandi lög leyfa.

Í sumri Google þjónustu gilda sérstakar aldurstakmarkanir sem lýst er í þjónustutengdum viðbótarskilmálum og -reglum.

Samband þitt við Google

Þessir skilmálar skilgreina sambandið milli þín og Google. Þegar rætt er um „Google“, „við“, „okkur“ og „okkar“ er átt við Google Ireland Limited og hlutdeildarfélög þess. Í grófum dráttum gefum við þér heimild til að opna og nota þjónustu okkar ef þú samþykkir að fylgja þessum skilmálum, sem skýra hvernig rekstur Google gengur fyrir sig og hvernig við öflum tekna.

Hvers þú mátt vænta af okkur

Bjóða upp á fjölbreytt úrval gagnlegrar þjónustu

Mikið af þessari þjónustu felur einnig í sér efni sem er gagnvirkt eða hægt er að streyma.

Þjónusta okkar er hönnuð með samhæfi í huga, sem auðveldar þér að fara úr einu í annað. Ef heimilisfang er t.d. skráð í dagatalsviðburði geturðu smellt á heimilisfangið og Kort geta birt þér leiðarlýsingu á staðinn.

Þróa, bæta og uppfæra Google þjónustur

Jafnvel þótt við vísum í „þjónustur“ í víðu samhengi í þessum skilmálum eins og lýst er hér að ofan gera gildandi lög greinarmun á „stafrænu efni“, „þjónustum“ og „vörum“ í sumum tilfellum. Þess vegna notum við nákvæmari skilgreiningar í þessum hluta og í hlutanum Lagaleg ábyrgð.

Við erum stöðugt að bæta þjónustu okkar með nýrri tækni og eiginleikum. Við notum t.d. gervigreind og vélrænt nám til að bjóða upp á þýðingar í rauntíma og til að greina betur og loka á ruslefni og spilliforrit.

Hluti af stöðugri þróun á stafrænu efni, vörum og þjónustum sem við bjóðum upp á er að gera breytingar á borð við þær að bæta við eða fjarlægja eiginleika og virkni, hækka eða lækka notkunarmörk og bjóða upp á nýtt stafrænt efni eða þjónustur eða leggja niður eldri útgáfur. Við kunnum einnig að breyta stafræna efninu okkar eða þjónustunum af eftirfarandi ástæðum:

• til að aðlagast nýrri tækni
• til að bregðast við fjölgun eða fækkun þess fólks sem notar tiltekna þjónustu
• til að bregðast við meginbreytingum hvað varðar leyfi og viðskiptasamband okkar við aðra aðila
• til að koma í veg fyrir misnotkun eða skaða
• til að bregðast við vandamálum sem tengjast lögum, reglum eða öryggismálum

Aðallega gerum við stundum lögbundnar uppfærslur en til þeirra teljast breytingar sem hafa þann tilgang að stafrænt efni, vörur eða þjónustur samrýmist lögum. Við gerum þessar uppfærslur á stafræna efninu okkar, vörum og þjónustum af öryggisástæðum og til að tryggja að gæðastaðlar séu uppfylltir, t.d. þeir sem lýst er í hlutanum Lagaleg ábyrgð. Við kunnum að setja sjálfkrafa upp uppfærslur til að bregðast við veigamiklum öryggisógnum. Hvað aðrar uppfærslur varðar geturðu valið hvort þú setur þær upp eða ekki.

Við höldum úti ítarlegri vörurannsóknaráætlun, sem þýðir að áður en við breytum eða hættum að bjóða upp á þjónustu ígrundum við vandlega hvort slík breyting eða afturköllun eigi rétt á sér, hagsmuni þína sem notanda, sanngjarnar væntingar þínar og möguleg áhrif á þig og aðra. Ef við breytum þjónustum eða hættum að veita þær eru alltaf góðar og gildar ástæður fyrir því.

Ef breyting hefur neikvæð áhrif á getu þína til að nálgast eða nota stafræna efnið okkar eða þjónusturnar, eða ef við hættum að veita þjónustu í heild sinni, tilkynnum við þér það með góðum fyrirvara í tölvupósti þar sem fram kemur lýsing á breytingunum, hvenær þær taka gildi og hvaða rétt þú hefur til að rifta samningi þínum við okkur ef breytingarnar hafa neikvæð áhrif sem teljast meiri en minniháttar. Það getur þó komið upp að aðstæður krefjist tafarlausra aðgerða og í slíkum tilfellum er e.t.v. ekki hægt að gefa fyrirvara á breytingum. Þetta á við þegar skjót viðbrögð eru nauðsynleg til að koma í veg fyrir misnotkun, bregðast við lagaskilyrðum eða bregðast við öryggisvandamálum eða vanda í rekstri. Við gefum þér einnig færi á að flytja út efnið þitt af Google reikningnum þínum með Google Takeout, háð gildandi lögum og reglum.

Hvers við getum vænst af þér

Fylgdu þessum skilmálum og viðbótarskilmálum fyrir tiltekna þjónustu

Þú getur skoðað, afritað og vistað þessa skilmála á PDF-sniði. Þú getur samþykkt þessa skilmála og aðra þjónustutengda viðbótarskilmála þegar þú hefur skráð þig inn á Google reikninginn þinn.

Þú getur einnig nálgast ýmsar reglur, hjálparmiðstöðvar og önnur tilföng þar sem þú getur fundið svör við algengum spurningum og upplýsingar um við hverju þú mátt búast þegar þú notar þjónustur okkar. Þessi tilföng eru m.a. persónuverndarstefna okkar, hjálparmiðstöð höfundarréttar, öryggismiðstöðin, gagnsæismiðstöðin og aðrar síður sem hægt er að nálgast af reglusíðunni okkar. Að endingu kunnum við að veita sérstakar leiðbeiningar og viðvaranir inni í þjónustunum okkar – eins og með gluggum sem benda þér á mikilvægar upplýsingar.

Þrátt fyrir að við gefum þér heimild til að nota þjónustu okkar höldum við öllum hugverkarétti á þjónustu okkar.

Virtu aðra

Viðbótarskilmálar og -reglur sem gilda um tilteknar þjónustur, s.s. reglur um óheimila notkun á skapandi gervigreind, veita frekari upplýsingar um viðeigandi háttsemi sem allir sem nota þjónusturnar skulu framfylgja. Ef þú verður var/vör við að aðrir notendur fylgi ekki reglunum geturðu tilkynnt misnotkun í mörgum af þjónustum okkar. Ef við grípum til aðgerða vegna tilkynningar um misnotkun veitum við einnig upplýsingar um ferlið sem lýst er í hlutanum „Að grípa til aðgerða vegna vandamála“.

Ekki misnota þjónustur okkar

Flestir sem opna eða nota þjónustur okkar skilja þær almennu reglur sem halda internetinu öruggu og opnu. Því miður er lítill minnihluti sem virðir ekki þessar reglur, svo við lýsum þeim hér til að verja þjónustur okkar og notendur fyrir misnotkun. Í þeim anda:

• innleiða spilliforrit
• senda ruslefni, hakka eða sneiða hjá kerfunum okkar eða öryggisráðstöfunum
• hjásneiða stýrikerfi, senda mótherjandi tilkynningar eða setja inn skipanir, nema í tengslum við öryggis- og villuprófanakerfi okkar
• opna eða nota þjónustu okkar eða efni með sviksamlegum eða blekkjandi hætti, til dæmis:
• í vefveiðar
• búa til falsaða reikninga eða efni, þar með talið falsaðar umsagnir
• villa um fyrir fólki og fá það til að halda að efni frá skapandi gervigreind hafi verið búið til af manneskju
• veita þjónustu sem virðist eiga sér upphaf hjá þér (eða einhverjum öðrum) þegar hún á sér í raun upphaf hjá okkur
• veita þjónustu sem virðist eiga sér upphaf hjá okkur þegar svo er ekki
• nota þjónustur okkar (þar á meðal efnið sem þær veita) til að brjóta á lagalegum rétti annarra, t.d. hugverkarétti eða persónuverndarréttindum
• vendismíða þjónustu okkar eða undirliggjandi tækni, eins og vélnámslíkön okkar, til að komast yfir viðskiptaleyndarmál eða aðrar upplýsingar í einkaeigu, nema að því marki sem gildandi lög leyfa
• nota sjálfvirkar aðferðir til að nálgast efni frá einhverri af þjónustum okkar í bága við tölvulesanlegu leiðbeiningarnar á vefsvæðum okkar (til dæmis robots.txt-skrár sem banna skrið, þjálfun eða aðrar aðgerðir)
• nota efni búið til með gervigreind úr þjónustum okkar til að þróa vélnámslíkön eða tengda gervigreindartækni
• fela hver þú ert eða villa á þér heimildir til þess að brjóta gegn þessum skilmálum
• veita þjónustu sem hvetur aðra til að brjóta gegn þessum skilmálum

Heimild til að nota efnið þitt

Sum þjónusta okkar er ætluð til þess að þú getir hlaðið upp, sent inn, geymt, sent, tekið á móti eða deilt efninu þínu. Þér ber engin skylda til að útvega þjónustu okkar neitt efni og þér er frjálst að velja hvaða efni þú vilt útvega. Ef þú velur að hlaða upp eða deila efni skaltu ganga úr skugga um að þú hafir nauðsynleg réttindi til að gera það og að efnið sé löglegt.

Notkun Google þjónustu

Google reikningurinn þinn

Ef þú uppfyllir þessi aldursskilyrði getur þú stofnað Google reikning þér til hægðarauka. Til þess að nota tiltekna þjónustu þarftu að eiga Google reikning — til að nota Gmail þarf til dæmis að nota Google reikning til að eiga stað til að senda og taka við tölvupósti.

Þú berð ábyrgð á því sem þú gerir með Google reikningnum, þar á meðal á því að grípa til viðeigandi aðgerða til að halda Google reikningnum öruggum, og við hvetjum þig til að nota Öryggisskoðun reglulega.

Notkun Google þjónustu fyrir hönd stofnunar eða fyrirtækis

Þjónustutengd samskipti

Til þess að veita þér þjónustuna sendum við þér stundum þjónustutilkynningar og aðrar þjónustutengdar upplýsingar. Frekari upplýsingar um samskipti okkar við þig er að finna í persónuverndarstefnu Google.

Ef þú velur að senda okkur ábendingu, til dæmis um hvernig bæta má þjónustu okkar, getum við brugðist við ábendingunni án þess að bera nokkra skyldu gagnvart þér.

Efni í Google þjónustu

Efnið þitt

Sumar af þjónustum okkar gera þér kleift að búa til upprunalegt efni. Google gerir ekki kröfu um eignarhald yfir því efni.

Sum þjónusta okkar gefur þér tækifæri til að gera efnið þitt aðgengilegt opinberlega — til dæmis gætirðu birt umsögn um vöru eða veitingastað sem þú skrifaðir eða hlaðið inn bloggfærslu sem þú bjóst til.

• Í hlutanum Heimild til að nota efnið þitt er að finna frekari upplýsingar um réttindi þín tengd þínu efni og hvernig efnið þitt er notað í þjónustu okkar
• Í hlutanum Efni þitt fjarlægt eru upplýsingar um hvers vegna og hvernig við gætum fjarlægt efni frá notendum úr þjónustu okkar

Ef þú telur að einhver brjóti á hugverkarétti þínum geturðu sent okkur tilkynningu um brotið og við grípum til viðeigandi aðgerða. Til dæmis lokum við Google reikningum þeirra sem brjóta endurtekið á höfundarrétti, tímabundið eða varanlega, eins og lýst er í hjálparmiðstöð okkar varðandi höfundarrétt.

Google efni

Tiltekin þjónusta okkar inniheldur efni sem tilheyrir Google — til dæmis mikið af myndefni sem sést í Google kortum. Þú getur notað efni Google eins og þessir skilmálar og aðrir þjónustutengdir viðbótarskilmálar leyfa, en við höldum öllum hugverkarétti á efni okkar. Ekki fjarlægja, fela eða breyta á nokkurn hátt auðkennum, vörumerkjum, eða lagalegum skilmálum okkar. Ef þú vilt nota auðkenni eða vörumerki okkar skaltu skoða síðu með upplýsingum um leyfi fyrir auðkennum Google.

Annað efni

Loks veitir sum þjónusta okkar þér aðgang að efni sem tilheyrir öðru fólki eða fyrirtækjum/stofnunum — til að mynda lýsingu fyrirtækiseiganda á fyrirtæki sínu eða fréttagrein sem birtist í Google fréttum. Þú mátt ekki nota slíkt efni nema að fenginni heimild viðkomandi aðila eða með annarri aðferð sem lög leyfa. Skoðanir sem koma fram í efni fólks, fyrirtækja eða stofnana eru þeirra eigin skoðanir og endurspegla ekki endilega skoðanir Google.

Hugbúnaður í Google þjónustu

Sumar af þjónustum okkar innihalda hugbúnað sem hægt er að hlaða niður eða er forhlaðinn. Við gefum þér leyfi til að nota þann hugbúnað sem hluta af þjónustunni.

Sum þjónusta okkar felur í sér hugbúnað sem boðið er upp á samkvæmt leyfisskilmálum fyrir opinn hugbúnað sem við veitum þér aðgang að. Stundum eru ákvæði í leyfi fyrir opinn hugbúnað sem hnekkja hlutum þessara skilmála með beinum hætti, svo þú skalt gæta þess að lesa þessi leyfi.

Þú mátt ekki afrita, breyta, dreifa, selja eða leigja nokkurn hluta þjónustu okkar né hugbúnaðar.

Komi upp vandamál eða ágreiningur

Bæði lögin og þessir skilmálar veita þér rétt til (1) tiltekinna þjónustugæða og (2) úrræða til að lagfæra vandamál ef eitthvað fer úrskeiðis. Ef þú ert neytandi nýturðu allra þeirra lagalegu réttinda sem neytendur hafa samkvæmt gildandi lögum auk hvers kyns viðbótarréttinda sem þessir skilmálar eða þjónustutengdir viðbótarskilmálar veita.

Lagaleg ábyrgð

Ef þú ert neytandi innan EES og hefur samþykkt þjónustuskilmálana okkar veitir neytendalöggjöf EES þér lagalega ábyrgð sem nær yfir stafrænt efni, þjónustur og vörur sem við veitum þér. Samkvæmt þessari ábyrgð berum við skaðabótaábyrgð vegna hvers kyns misræmis sem þú kannt að uppgötva:

• innan tveggja ára eftir afhendingu vara (t.d. síma) eða staka afhendingu á stafrænu efni eða þjónustum (t.d. kaup á kvikmynd)
• hvenær sem er fyrir „stöðuga“ afhendingu á stafrænu efni eða þjónustum (t.d. í Kortum eða Gmail)

Lög í þínu landi kunna að veita enn lengri ábyrgð. Lagaleg réttindi þín samkvæmt þessari lagalegu ábyrgð takmarkast ekki af annarri viðskiptaábyrgð sem við veitum. Hafðu samband við okkur ef þú vilt leggja fram ábyrgðarkröfu.

Skaðabótaábyrgð

Fyrir alla notendur

Þessir skilmálar takmarka ekki skaðabótaábyrgð vegna:

• svika eða sviksamlegrar og villandi framsetningar
• dauða eða líkamstjóns sem orsakast af vanrækslu
• vítaverðrar vanrækslu
• misferlis af ásettu ráði

Vegna eignatjóns eða fjárhagslegs tjóns af völdum minniháttar gáleysis Google, fulltrúa þess eða umboðsaðila ber Google eingöngu skaðabótaábyrgð gagnvart brotum á samningsbundnum grundvallarskyldum sem leiða til hefðbundins tjóns sem sjá mátti fyrir á gildistíma samningsins. Samningsbundin grundvallarskylda er skylda sem nauðsynlegt er að uppfylla til að hægt sé að framkvæma samninginn og sem samningsaðilar geta treyst að verði uppfyllt. Þetta leiðir ekki til þess að á þér hvíli þyngri sönnunarskylda.

Aðeins fyrir notendur hjá fyrirtækjum og stofnunum

Ef þú ert viðskiptanotandi eða fyrirtæki:

• Upp að því marki sem gildandi lög leyfa bætirðu tjón Google og stjórnenda, fulltrúa, starfsmanna og verktaka Google vegna málaferla þriðju aðila (þar á meðal aðgerða stjórnvalda) sem koma til vegna eða tengjast ólöglegri notkun þinni á þjónustunum eða broti á þessum skilmálum eða viðbótarskilmálum sem gilda um tilteknar þjónustur. Þessar bætur ná yfir allar skaðabætur eða kostnað sem fellur til vegna krafna, taps, tjóns, dóma, sekta, málskostnaðar og lögfræðikostnaðar, en gilda ekki sem full skaðabótaábyrgð eða kostnaður vegna brots, vanrækslu eða misferlis af ásettu ráði gegn Google.
• Ef þú ert undanþegin(n) tiltekinni ábyrgð samkvæmt lögum, þar á meðal skaðabótaábyrgð, á slík ábyrgð ekki við um þig í þessum skilmálum. Til dæmis njóta Sameinuðu þjóðirnar tiltekinna undanþága frá lagalegum skyldum og þessir skilmálar hnekkja ekki slíkum undanþágum.

Gripið til aðgerða ef vandamál koma upp

Áður en gripið er til einhverra þeirra aðgerða sem lýst er hér fyrir neðan látum við þig vita með fyrirvara, þegar það er hægt, lýsum fyrir þér ástæðu aðgerðanna og gefum þér færi á að útskýra vandann og bregðast við honum, nema það séu hlutlægar og haldfastar ástæður til að halda að slíkt myndi:

• valda notanda, þriðja aðila eða Google skaða eða skaðabótaábyrgð
• brjóta gegn lögum eða skipun löggæsluyfirvalda
• skemma fyrir rannsókn
• stefna rekstri, heilleika eða öryggi þjónustu okkar í hættu

Efni þitt fjarlægt

Ef hlutlægar og haldfastar ástæður eru til að ætla að eitthvað af efninu þínu (1) brjóti gegn þessum skilmálum, þjónustutengdum viðbótarskilmálum eða viðbótarreglum, (2) brjóti gegn gildandi lögum, eða (3) gæti skaðað notendur okkar, þriðju aðila eða Google, áskiljum við okkur rétt til að fjarlægja allt efnið eða hluta þess í samræmi við gildandi lög. Dæmi um þetta er barnaklám, efni sem auðveldar mansal eða áreitni, efni tengt hryðjuverkamönnum og efni sem brýtur á hugverkarétti annarra.

Aðgangi þínum að Google þjónustu lokað eða rift

Án þess að takmarka nokkur önnur réttindi okkar kann Google að loka tímabundið á eða segja upp aðgangi þínum að þjónustunum eða eyða Google-reikningnum þínum ef eitthvað af eftirfarandi gerist:

• þú brýtur efnislega eða endurtekið gegn þessum skilmálum, þjónustutengdum viðbótarskilmálum eða reglum
• okkur ber skylda til að gera það til þess að fara að lögum eða dómsúrskurði
• hlutlægar og haldfastar ástæður eru til að ætla að hegðun þín valdi notanda, þriðja aðila eða Google skaða eða valdi skaðabótaskyldu — til dæmis með því að hakka, vefveiða, áreita, senda ruslefni, villa um fyrir öðrum eða birta efni sem þú átt ekki

Nánari upplýsingar um það hvers vegna við lokum reikningum og hvað gerist í kjölfarið má finna á þessari síðu í hjálparmiðstöðinni. Ef þú telur að Google reikningnum þínum hafi verið lokað, tímabundið eða varanlega, fyrir mistök geturðu áfrýjað þeirri ákvörðun.

Þér er að sjálfsögðu alltaf frjálst að hætta að nota þjónustur okkar. Ef þú ert neytandi innan EES geturðu einnig fallið frá samningi þessum innan 14 daga eftir að þú samþykkir skilmálana. Ef þú hættir að nota þjónustu myndum við gjarnan vilja vita hvers vegna til að við getum haldið áfram að bæta þjónustu okkar í framtíðinni.

Meðhöndlun beiðna um gögnin þín

Virðing fyrir persónuvernd og öryggi gagna þinna er okkar helsta viðmið þegar við bregðumst við beiðnum um aðgang að gögnum. Þegar við fáum í hendurnar beiðnir um aðgang að gögnum fer starfsfólk okkar yfir beiðnirnar til að kanna hvort þær uppfylli lagalegar kröfur og séu samkvæmt stefnu um birtingu gagna sem Google starfar eftir. Google Ireland Limited hefur aðgang að og birtir gögn, þar á meðal samskipti, í samræmi við írsk landslög og viðeigandi löggjöf Evrópusambandsins á Írlandi. Frekari upplýsingar um beiðnir um aðgang að gögnum sem sendar eru til Google um heim allan, og meðhöndlun slíkra beiðna hjá Google, er að finna í gagnsæisskýrslunni okkar og persónuverndarstefnu.

Meðhöndlun ágreiningsmála, gildandi lög og dómstólar

Upplýsingar um hvernig hægt er að hafa samband við Google eru á samskiptasíðunni okkar.

Ef þú býrð á, eða ert fulltrúi fyrirtækis eða stofnunar sem hefur aðsetur á, Evrópska efnahagssvæðinu (EES) eða í Sviss lúta þessir skilmálar og samband þitt við Google samkvæmt þessum skilmálum og þjónustutengdum viðbótarskilmálum lögum búsetulandsins, og þú getur leitað til dómstóla á þínu svæði ef lagalegur ágreiningur kemur upp. Ef þú ert neytandi innan EES skaltu endilega hafa samband við okkur svo að við getum leyst vandamálið okkar á milli. Framkvæmdastjórn Evrópusambandsins býður einnig upp á netvettvang fyrir úrlausn deilumála en Google ber ekki lagaleg skylda til að nota hann eða nokkurn annan viðbótarvettvang til að leysa úr deilumálum.

Um þessa skilmála

Lögum samkvæmt hefur þú tiltekinn rétt sem ekki er hægt að takmarka með samningi á borð við þessa þjónustuskilmála. Þessum skilmálum er á engan hátt ætlað að takmarka slík réttindi.

Við viljum að þessir skilmálar séu auðskildir og höfum því notað dæmi úr þjónustu okkar. Aftur á móti er ekki víst að öll þjónustan sem minnst er á sé í boði í þínu landi.

Við kunnum að uppfæra þessa skilmála og viðbótarskilmála fyrir tiltekna þjónustu (1) til að endurspegla breytingar á þjónustu okkar eða viðskiptaháttum okkar — til dæmis þegar nýrri þjónustu, eiginleikum, tækni, verði eða fríðindum er bætt við (eða eldri eru fjarlægð), (2) af lagalegum ástæðum, vegna reglna eða af öryggisástæðum, eða (3) til að koma í veg fyrir misnotkun eða skaða.

Ef við breytum þessum skilmálum eða þjónustutengdum viðbótarskilmálum verðurðu látin(n) vita minnst 15 dögum áður en breytingarnar taka gildi. Þegar við tilkynnum þér breytingar færðu nýja útgáfu skilmálanna og þér verður bent á breytingarnar. Ef þú andmælir ekki áður en breytingarnar taka gildi telstu hafa samþykkt breytta skilmála. Tilkynning okkar útskýrir andmælaferlið. Þú getur hafnað breytingunum og ef þú gerir það eiga þær ekki við þig. Við áskiljum okkur þá rétt til að binda enda á samband okkar við þig ef önnur skilyrði um uppsögn eru uppfyllt. Þú getur einnig slitið sambandinu við okkur hvenær sem er með því að loka Google-reikningnum þínum.