1. Efnið þitt
Google Drive gerir þér kleift að hlaða inn, leggja fram, geyma, senda og taka á móti efni. Efnið þitt er alltaf í þinni eigu, eins og lýst er í þjónustuskilmálum Google. Við eignum okkur ekki efnið þitt, þar á meðal texta, gögn, upplýsingar og skrár sem þú hleður inn, deilir eða geymir á Drive reikningnum þínum. Þjónustuskilmálar Google veita Google takmarkað leyfi til að stjórna og bæta þjónustu Google Drive — þannig að ef þú deilir skjali með einhverjum eða þú vilt opna það á öðru tæki getum við boðið upp á þá virkni.
Google Drive gerir þér einnig kleift að vinna í efni með öðrum notendum Google Drive. „Eigandi“ efnisins stjórnar efninu og notkun þess.
Deilingarstillingar á Google Drive gera þér kleift að stjórna því hvað aðrir geta gert við efnið þitt á Google Drive. Persónuverndarstillingar skránna þinna ráðast af möppunni eða drifinu sem þær eru á. Skrár á þínu drifi eru lokaðar þangað til þú deilir þeim. Þú getur deilt efninu þínu og fært stjórn á því yfir á aðra notendur. Skrár sem þú býrð til eða setur í möppur eða á drif sem aðrir hafa deilt erfa viðkomandi deilingarstillingar og kunna einnig að erfa eignarhaldsstillingar möppunnar eða drifsins sem þær eru á. Við deilum ekki skránum þínum og gögnum með öðrum á annan hátt en lýst er í persónuverndarstefnunni okkar.
Við notum efnið þitt ekki í markaðs- eða auglýsingaherferðum.
