Street View ഉപയോഗിച്ച് സാൻസിബാറിലെ പ്രാദേശിക കമ്മ്യൂണിറ്റികളെ ശാക്തീകരിക്കൽ

ഒരുമിച്ച് വളർച്ച കെെവരിക്കൽ

വലിയ തോതിൽ മാപ്പ് ചെയ്യുന്നത് ഒരു വെല്ലുവിളിയാണ്. അതിനാൽ, മനോഹരമായ ഉങ്കുജ ദ്വീപ് മാപ്പ് ചെയ്യാൻ സാൻസിബാറിലെ സ്‌റ്റേറ്റ് യൂണിവേഴ്‌സിറ്റിയിലെ പന്ത്രണ്ട് വിദ്യാർത്ഥി വളണ്ടിയർമാർക്കൊപ്പം WT360 ടീം കെെക്കോർത്തു. ഫെഡരിക്കോ, നിക്കൊളായ്, ക്രിസ് എന്നിവരുടെ വിദഗ്‌ധാഭിപ്രായം അനുസരിച്ച് അവർ 1,700 കിലോമീറ്ററിന്റെ ഫൂട്ടേജ് പകർത്തി.

സാൻസിബാർ വികസിക്കുന്നതോടൊപ്പം, അവിടെയുള്ള അടിസ്ഥാന സൗകര്യങ്ങളുടെ വികസനത്തെ പിന്തുണയ്‌ക്കാനും പുതിയ സന്ദർശകരെ അവിടേക്ക് ആകർഷിക്കാനുമായി ഫെഡരിക്കോയുടെ ടീം, പ്രാദേശിക തെരുവുകളുടെ 360 ചിത്രങ്ങൾ സ്ഥിരമായി റീഫ്രഷ്‌ ചെയ്യുന്നു.

360 ചിത്രങ്ങൾ ഉപയോഗിച്ച് ബിസിനസുകളെ ആഗോളതലത്തിൽ എത്തിക്കൽ

ഈ വർഷത്തിന്റെ ആരംഭത്തിൽ, വടക്കൻ ദ്വീപായ പെമ്പ അടുത്തറിയാൻ ഫെഡരിക്കോ ആരംഭിച്ചു. വെറും 6 ദിവസത്തിനുള്ളിൽ ഫെഡരിക്കോയും മുൻ വിദ്യാർത്ഥി വളണ്ടിയറായ ഇബ്രാഹീം ഖാലിദും ചേർന്ന് 500-ലധികം കിലോമീറ്ററിന്റെ ചിത്രങ്ങളും 40 ഏരിയൽ പനോരമകളും പകർത്തുകയും Street View Studio ഉപയോഗിച്ച് അവ Google Maps-ലേക്ക് അപ്‌ലോഡ് ചെയ്യുകയുമുണ്ടായി.

വിനോദസഞ്ചാര കേന്ദ്രങ്ങളുടെയും പെെതൃക സ്ഥലങ്ങളുടെയും ഹോട്ടലുകളുടെയും ബിസിനസുകളുടെയും കൃത്യമായ ഫൂട്ടേജുകൾ ഉപയോഗിച്ച്, സാൻസിബാറിലെ ദ്വീപുകളെ ആഗോളതലത്തിൽ പ്രമോട്ട് ചെയ്യുന്ന, അതിവേഗം വളർന്നുകൊണ്ടിരിക്കുന്ന ചിത്ര പ്ലാറ്റ്‌ഫോമായ National Global Tour of Zanzibar സൃഷ്‌ടിക്കാൻ അവർക്ക് കഴിഞ്ഞു.

മാപ്പ് ചെയ്‌ത് തുടങ്ങി തൊഴിൽ സൃഷ്‌ടിക്കുന്നതിലേക്ക്

ഫെഡരിക്കോ ആദ്യമായി ശമീമു യാസീനെ കണ്ടുമുട്ടുമ്പോൾ, ഡ്രോൺ പെെലറ്റാകാൻ ആഗ്രഹിച്ചിരുന്ന വിദ്യാർത്ഥിനിയായിരുന്നു അവർ. സാൻസിബാറിന്റെ ഭാവി മെച്ചപ്പെടുത്താനുള്ള പ്രതിബദ്ധതയിൽ പ്രചോദനം ഉൾക്കൊണ്ട്, Street View സാങ്കേതികവിദ്യയെക്കുറിച്ച് പഠിക്കാൻ ശമീമു WT360 ടീമിൽ ചേർന്നു. ഉപയോഗിക്കേണ്ട ഏറ്റവും മികച്ച ക്യാമറയെക്കുറിച്ചും ചിത്രങ്ങൾ പകർത്തേണ്ട രീതിയെക്കുറിച്ചും അവ Google Maps-ൽ അപ്‌ലോഡ് ചെയ്യേണ്ട രീതിയെക്കുറിച്ചും അവർ പഠിച്ചു. ശമീമു ഈ കഴിവുകളിൽ പ്രാഗത്ഭ്യം നേടി, സാൻസിബാറിലെ ദ്വീപുകളെ അടുത്തറിയുകയും മാപ്പ് ചെയ്യുകയും ചെയ്യുന്ന പ്രൊഫഷണൽ ഫോട്ടോഗ്രഫറായി അവർ മാറി.

അടുത്തിടെ വികസനം കെെവരിച്ച പ്രദേശങ്ങൾ, പുതിയ ബിസിനസുകൾ, നവീകരിച്ച ഹോട്ടലുകൾ എന്നിവയ്‌ക്ക് പ്രത്യേക പരിഗണന നൽകിക്കൊണ്ട്, ഫെഡരിക്കോ, ശമീമു, ഇബ്രാഹീം എന്നിവർ നിലവിൽ സാൻസിബാറിലെ പുതിയ ഏരിയൽ ചിത്രങ്ങൾ അപ്‌ലോഡ് ചെയ്യുന്ന തിരക്കിലാണ്. സാൻസിബാറിലെ അമ്യൂസ്‌മെന്റ് പാർക്ക് തുറന്നതോടെ, അവരുടെ ദൗത്യം വളർന്നുകൊണ്ടിരിക്കുന്നു.

അനുബന്ധ ലേഖനം

സാൻസിബാർ മാപ്പ് ചെയ്യാനും തദ്ദേശീയരെ ശാക്തീകരിക്കുന്നതിനുമുള്ള പ്രാരംഭ പ്രവർത്തനങ്ങൾ നടത്തുന്നു

സാൻസിബാർ സർക്കാരും WT360 ഫോട്ടോഗ്രഫർമാരും എങ്ങനെയാണ് രാജ്യം മാപ്പ് ചെയ്യാനുള്ള പ്രോജക്റ്റ് ആരംഭിച്ചത് എന്നതിനെക്കുറിച്ച് കൂടുതലറിയുക.

ലേഖനം വായിക്കൂ

സാൻസിബാറിലെ വലിയ തോതിലുള്ള മാപ്പിംഗ്: Street View Studio ഉപയോഗിച്ച് കൂടുതൽ സ്‌മാർട്ടായും കൂടുതൽ വേഗത്തിലും ഡാറ്റ പ്രസിദ്ധീകരിക്കൽ

2019 മുതൽ ചിത്രത്തിന്റെയും ക്യാമറയുടെയും നിലവാരം മെച്ചപ്പെട്ടു, Street View Studio അവതരിപ്പിച്ചതോടെ ചിത്രങ്ങൾ പ്രസിദ്ധീകരിക്കുന്നത് കൂടുതൽ എളുപ്പവും വേഗതയുള്ളതുമായി മാറി. ഫോട്ടോഗ്രഫർമാർക്ക് ഒരു സമയത്ത് ഒന്നിലധികം 360 വീഡിയോകൾ അപ്‌ലോഡ് ചെയ്യാം, പുരോഗതി നിരീക്ഷിക്കാം, അപ്‌ലോഡ് ചെയ്‌ത മെറ്റീരിയൽ, സ്ഥലമോ ഒറിജിനൽ ഫിലിം പേരോ പ്രകാരം തിരയാം, ഇന്ററാക്‌ടീവ് മാപ്പ് ലെയറുകൾ ഉപയോഗിച്ച് ഭാവി ശേഖരങ്ങൾ ആസൂത്രണം ചെയ്യാം.

ഭാവി വാർത്തെടുക്കൽ

സ്വന്തം രാജ്യം മാപ്പ് ചെയ്യാൻ പ്രാദേശിക വിദ്യാർത്ഥികളെ ശാക്തീകരിക്കലും പഠിപ്പിക്കലും ലക്ഷ്യം വെച്ചാണ് പ്രോജക്‌റ്റ് സാൻസിബാർ ആരംഭിച്ചത്, ആഗോളതലത്തിൽ വൻ സ്വാധീനമാണ് ഇത് ഉണ്ടാക്കിയത്. മൂന്ന് വർഷം കഴിഞ്ഞപ്പോൾ, ഈ പ്രോജക്‌റ്റ് പ്രാദേശിക ബിസിനസുകളെ മുൻനിരയിൽ എത്തിക്കുകയും ശമീമു, ഇബ്രാഹീം പോലുള്ള മുൻ വളണ്ടിയർമാർക്ക് തൊഴിൽ സാധ്യതകൾ തുറന്ന് കൊടുക്കുകയും ചെയ്തു.