Pertge che nus vendain reclama,
betg resultats da tschertga.

Ozendi para tut dad esser venal. Pertge na san agents da reclama betg cumprar meglras posiziuns en nos resultats da tschertga?

La resposta è simpla. Nus essan da l'avis che ti duais savair ta fidar da quai che ti chattas cun Google. Dapi l'entschatta era nossa metoda da tschertga la purschida da las respostas ed ils resultats pli relevants per nos utilisaders.

Ils resultats da tschertga da Google calculeschan tgi che sa colliescha cun ina pagina-web e con relevants ch'il cuntegn è per tia tschertga. Nos resultats reflecteschan tge che la communitad online prenda per impurtant, betg tge che nus u nos partenaris pensain che ti duais vesair.

E fertant che nus crajain che reclamas relevantas èn uschè nizzaivlas sco veritabels resultats da tschertga, na vulain nus betg ch'insatgi scumbiglia ni l'in ni l'auter.

Mintga reclama sin Google è cleramain marcada e sa distingua da resultats da tschertga. Inserents da reclama san pajar dapli per posiziuns pli autas en la surfatscha da reclama, ma nagin na sa cumprar in meglier plazzament en ils resultats da tschertga. Ultra da quai mussain nus mo reclamas sch'ellas èn relevantas per ils pleds che ti has endatà en la tschertga. Quai munta che ti vesas sulettamain reclamas nizzaivlas.

Inquals servetschs online n'èn betg da l'avis che la differenziaziun tranter resultats da tschertga e reclamas è talmain impurtanta.

Nus bain.