Umsebenzi wokuzilibazisa uphenduka indumezulu yomhlaba - indlela ukwenziwa kwamamephu ase-French Polynesia okulethele abantu bendawo izinzuzo ezingenakuqhathaniswa.

Ukuxuba ibhizinisi nezokungcebeleka

Eqhutshwa uthando lwakhe lwe-Street View neziqhingi ezinhlekazi zase-French Polynesia, u-Christophe wasungula i-Tahiti 360 ngo-2019. Le nkampani ingochwepheshe bokushutha nokulayisha izithombe ze-360 zezindawo ezinkulu zangaphandle e-French Polynesia, kufaka imizila yokuqombola namabhishi, ku-Street View. Futhi yize egxile ngokuyinhloko ekuthwebuleni nasekuboniseni ubuhle bempilo yaseziqhingini, u-Christophe usiza namabhizinisi endawo abonakale kakhudlwana ngokuvakasha kokubuka ingaphakathi lezakhi nge-Street View ehehayo.

Ukuthwebula amamephu e-French Polynesia

Kulesi sikhathi lapho yonke into iyidijithali, kunzima ukukholwa ukuthi kwakukhona izithombe zesethelayithi kuphela zase-French Polynesia kwaze kwaba yilapho kufika u-Christophe ne-Tahiti 360 kulesi siqhingi. Okwakudala inkinga enkulu nakakhulu ukuthi imigwaqo yeziqhingi ezinjenge-Bora Bora ne-Tahiti yayingenawo amagama, ngakho kwakunzima ukuba abantu bendawo nezivakashi behle benyuka. Okubaluleke nakakhulu, lokhu kwakwenza imisebenzi yamasevisi ezimo eziphuthumayo njengabacimimlilo, abosizo lokuqala nabomthetho ibe nzima kunokudingekile.

Ziqaphela izinzuzo i-Street View engaziletha empilweni yaseziqhingini, iziphathimandla zendawo zabambisana ne-Tahiti 360 ukuthwebula amamephu nokwenza amareferensi ayo yonke imigwaqo e-Tahiti, e-Moorea, e-Bora Bora, e-Raiatea, e-Maupiti, e-Huahine, e-Fakarava nase-Rangiroa. U-Christophe wasebenzisa izimoto ezidonsa ngawo wonke amasondo, amakalishi egalofu, amabhayisekili kagesi, ama-jet ski ngisho namahhashi imbala ukuhamba u-1,800km we-French Polynesia. Ngokwengxenye ngenxa yohambo luka-Christophe nedatha yendawo eyabiwe yiziphathimandla, manje sekunendlela yokuthola izibuyekezo zethrafikhi ezibukhoma, iziphakamiso zemizila esheshayo, nezikhombi-ndlela zamabhizinisi endawo e-Tahiti nge-Google Amamephu. Lokhu kuwusizo kakhulu kumasevisi ezimo eziphuthumayo akwazi ukusebenza ngempumelelo kuso sonke isiqhingi ngenxa yalokho. Okokugcina, ukufinyelela imifanekiso ye-Tahiti 360 ku-Street View kwenze kwaba lula nokuhlela amadolobha, ukunakekela izakhiwo, nezimo zemigwaqo.

Ukufinyelela ku-World Heritage Site ye-UNESCO

Uhambo olucace kakhudlwana lwe-Tahiti 360 olwase-Taputapuatea esiqhingini sase-Raiatea. I-UNESCO World Heritage Site idlala indima enkulu ekuletheni izivakashi ezingaphezu kwezingu-300,000 e-French Polynesia minyaka yonke. Kodwa, ngokuthebula ubuhle bayo nge-360, u-Christophe usevule ithuba lokuba izigidi ziyijabulele ngokuvakasha ngezithombe. Umsebenzi ka-Christophe oshicilelwe ku-Street View wasilethela uubuhlekazi bomhlaba esikrinini, okusivumela sonke ukuba siwuhlole.

Ukukhava sonke isiqhingi akuyona into encane, kodwa u-Christophe wayeyilungele le nselele. Ukuze aqiniseke ukuthi uthwebula konke okutholakala e-Bora Bora nge-360, wahamba sonke lesi siqhingi ngemoto, ngesikebhe, nangezinyawo. Kwathatha izinsuku nje eziyisikhombisa ukuba u-Christophe athwebule amamephu esiqhingi sonke, nokusenza sitholakale ukuthi bonke basijabulele ku-Street View.

Ngaphezu kwe-Bora Bora, u-Christophe wabuye wathwebula yonke imigwaqo yase-Papeete, inhloko-dolobha yase-Tahiti, kanye nedolobhala lase-Pirae. Ukubonakala kwaba nomphumela uma izithombe zawo womabili amadolobhana zivela ku-Street View.

Amabhizinisi endawo nawo athola ithuba lawo lokuvelela ku-Street View. Amaqembu amakhulu amahhotela njenge-Intercontinental, i-Manava ne-Hilton, kanye namabhizinisi amancane e-B&B, alijabulela ithuba lokubonisa izikhungo zawo emhlabeni kabanzi.

Ukungeza okwengeziwe ohlwini lofuna ukukwenza

I-Tahiti 360 ithemba ukukhava zonke iziqhingi zase-French Polynesia ekupheleni konyaka, futhi kusasele i-Maupiti, i-Tahaa, i-Marquesas Islands, i-Gambiers Islands ne-Austral Islands. Futhi yize kusenendawo enkulu okufanele ayikhave e-French Polynesia, u-Christophe usecabanga ngohambo lwakhe olulandelayo lokuhlola umhlaba. Usevle uvumile ukusebenza neziphathimandla zendawo zase-Franch ekhaya kubo ukukhava u-400km wemizila yamabhayisekili, izingadi ezisemiseleni yase-Amiens kanye nesitimela sezivakashi sase-Somme Tourisme. U-Christophe uzokhava ne-Teahupoo, idolobha elizobungaza izehlakalo zokushwiba emanzini kumageyimu ama-Olympic ka-2024. Phakathi naleso sikhathi, uthemba ukungeza i-New Caledonia, i-Wallis ne-Futuna Islands ku-Street View, ukuze asize ekuthuthukiseni impilo yansuku zonke yabantu bendawo futhi asize abantu abengeziwe bahlole leli pharadesi.

I-Street View iyisizinda sokuhlanganyela lapho abanikeli bengasiza khona imiphakathi ukuba ichume, amabhizinisi akhule futhi basondeze izimangaliso zomhlaba ekhaya ngokushicilela izithombe ezihehayo ku-Google Amamephu. Okuhle nakakhulu, noma ubani angathwebula imephu yakhe ngempumelelo nge-Street View, okudingekayo nje ukuthatha isinyathelo sokuqala sokunikela.